Ғылым және жоғары білім министрлігі ақпараттың қаншалықты рас екеніне жауап берді, деп хабарлайды inbusiness.kz сайты.
Ведомство "Білім туралы" заңға сәйкес, жоғары және жоғары оқу орнынан кейінгі білім саласындағы кез келген білім беру қызметі лицензиялауға жататынын еске салды. Тиісті лицензияларды, сондай-ақ оларға қосымшаларды беру министрліктің құзыретіне жатады.
"Министрлік Bishimbayev University-дің білім беру қызметімен айналысуға лицензия алу мүмкіндігі жоқ екенін хабарлайды. Сондай-ақ электронды лицензиялау ақпараттық жүйесінде ондай сұрау болмаған", – делінген ведомствоның жауабында.
Қазақстан Республикасының "Рұқсаттар және хабарламалар туралы" Заңына сәйкес, рұқсат беру немесе хабарлама тәртібі белгіленген қызметті немесе әрекеттерді (операцияларды) жеке және заңды тұлғалардың тиісті рұқсат алмай немесе тиісті хабарламаны жібермей жүзеге асыруына жол берілмейді.
"Жоғарыда айтылғандарды негізге ала отырып, министрлік "Bishimbayev University" атауымен білім беру қызметін жүзеге асыруға лицензия берілгенін жоққа шығарады. Сондай-ақ "е-лицензиялау" ақпараттық жүйесінде тиісті өтінімнің болмағанын хабарлайды", - дейді Олжас Беркінбаев.
