НАТО-ға мүше елдердің сыртқы істер министрлері Брюссельде бас қоспай тұрып, АҚШ-тың Еуропадағы әскери қатысуын қысқартуға әрекет етіп жатқанын мәлімдеді, деп хабарлайды inbusiness.kz сайты.
АҚШ-тың Мемлекеттік хатшысы Марко Рубио бірақ НАТО-дан шығу жоспарланбағанын, басқа мүшелердің қорғанысқа көбірек қаржы бөлуін күтетінін айтты. Оның айтуынша, альянстың әрбір мүшесі ЖІӨ-нің 5%-ын қорғанысқа жұмсауға міндеттелуі тиіс.
Еуропалықтар өз кезегінде бұл талапқа күмәнмен қарайды. Осылайша, АҚШ-тың біржақты әрекеті альянстың болашағына кері әсер етуі мүмкін екенін ескертіп отыр. Қазіргі уақытта НАТО аумағында 100 мың америкалық әскер бар, бұл сан 20-50 мыңға қысқаруы мүмкін деген болжам да айтылады.
– Бізге АҚШ әскерлері қажет. Қазір олардың саны – 100 000, бірақ бұл сан азаяды деп ойлаймын. Бұл сан екі есеге азайса да, жаман көрсеткіш емес, – деді бір дипломат.
НАТО-ға мүше елдердің сыртқы істер министрлері АҚШ-тың Еуропадағы әскери қатысуы Ресейге қарсы тепе-теңдікті сақтау үшін маңызды екенін алға тартты. Сонымен қатар, Рубионың Ресеймен келіссөздер нәтижесінде шешім қабылдауы Еуропа үшін қабылдауға ауыр соққы болатынын айтты.
– Рубионың жолдауы айқын болады. Еуропалықтар АҚШ өз күшін басқа аймақтарға орналастыра алуы үшін Еуропаның дәстүрлі қорғанысына жауапкершілік алуы керек. Сондықтан, олар еуропалықтардың қорғанысқа ЖІӨ-нің 5%-ын бөлуін қалайды, – деді НАТО-дағы жағдаймен таныс бір еуропалық шенеунік Euronews-ке.
НАТО елдері 2017 жылдан бері 700 млрд еуро жұмсағанын айтып, әскери бюджеттерін арттырып жатқанын жеткізді. Десе де, Трамп әкімшілігі бұны жеткіліксіз деп санайды және шығындарды 5% етуді талап етіп отыр.
