Жамбылда қызылша дерді дендеп тұр, деп хабарлайды inbusiness.kz тілшісі.
"100 мың тұрғынға шаққандағы көрсеткіш – 10,7%. Аурудың 99,1%-ы орташа ауырлықта, ал 0,6%-ы ауыр түрде өтіпті. Қазіргі таңда науқастардың жағдайы тұрақты екен. Өлім жағдайлары тіркелмеген.
"2025 жылдың 28 наурызына дейін 34 науқас стационарда ем қабылдады. 94 науқас сауығып шықты. Ауруға шалдыққандардың 89,1 пайызы 14 жасқа дейінгі балалар, 1 жасқа дейінгі балалар – 23, 1-4 жас аралығы – 62, 5-14 жас аралығы – 29, 15-17 жас аралығы – 5, 18 жастан жоғары 9 жағдай тіркелді.128 науқастың 90-ы қызылшаға қарсы вакцина алмаған. 649 адамның аурумен байланыста болғаны анықталды және 40 адам екпе алуға жатқызылды. Олардың 29-ына вакцина егілді, 11-не медициналық қарсы көрсетілімдерге байланысты екпе салынбады", - дейді Жамбыл облысы әкімдігі денсаулық сақтау басқармасының баспасөз қызметінің жетекшісі Толқын Өмірбаева.
