Бүкіләлемдік бокс сериясында (WSB) кездесетін "Astana arlans" және "Uzbek tigers" боксшыларының тізімі белгілі болды, деп хабарлайды vesti.kz.
Бұл екі команда арасындағы бокс кеші 1 сәуір күні Өзбекстан астанасы Ташкент қаласында өтіп, Астана уақытымен 20:00 де басталады.
Жекпе-жекке қатысатын боксшылардың тізімі:
46-49 келі:
Хасанбой Дусматов – Теміртас Жүсіпов
56 келі:
Абдулхай Шарахматов – Ілияс Сүлейменов
64 келі:
Эльнур Абдураимов – Ділмұрат Мижитов
75 келі:
Исраил Мадримов – Сапарбай Айдаров
91 келі:
Зухриддин Махкамов – Антон Пинчук
Егер бұл жекпе-жекте "Астана арландары" жеңіске жетсе, С тобында бірінші орын алып, плей-офф кезеңіне шығады. Қазір біздің команда 12 ұпаймен Азия аймағындағы командалардың көшін бастап келеді. Ал "Өзбек жолбарыстары" алты ұпаймен екінші орында тұр.
Айта кетейік, екі команда арасында Талдықорғанда өткен бірінші кездесуде "Астана арландары" өзбек боксшыларын 4:1 есебімен жеңген болатын.
