"ҚазАгроҚаржы" АҚ (КАФ) Қазақстандық қор биржасында жалпы сомасы 7,9 млрд теңгеге қамтамасыз етусіз (KAFIb7) купондық облигациялардың жаңа шығарылымын орналастырды, деп хабарлайды "ҚазАгроҚаржы" АҚ баспасөз қызметі.
Өтеуге орташа өлшемделген кірістілік жылдық 12%, айналым мерзімі 5 жыл. "Фридом Финанс" АҚ эмитент облигацияларын орналастыру кезінде андеррайтер болып табылды.
Облигацияның номиналды құны - 1 000 теңге, тіркелген шығарылымның көлемі - 12 млрд теңге, купондарды төлеу мерзімділігі жылына 2 рет.
Бастапқы сауда қорытындысы бойынша 13 өтінім берілді. Белсенді өтінімдердің жалпы көлемінде 46,1% брокерлік-дилерлік компанияларға, 27,9% институционалдық инвесторларға, 25,9% өзге заңды тұлғаларға келді. Бейрезиденттердің үлесіне сатып алу көлемінің 30,6% келді.
