"Яндекс.Такси" сервисі Қазақстанның төрт қаласында: Талдықорған, Екібастұз, Теміртау және Жезқазған қалаларында да жұмыс істей бастады, деп хабарлайды компанияның баспасөз қызметі.
Енді таксиге еліміздің барлық облыс орталықтарында және тағы бірнеше қалаларында мобильді қолданба немесе сайт taxi.yandex.kz арқылы тапсырыс беруге болады.
Талдықорған, Екібастұз, Теміртау және Жезқазған қалаларындағы жол ақысының ең төмен құны 150 теңге болады. Талдықорған, Екібастұз және Теміртау қалаларында – бір километр үшін ең көбі - 50 теңге, Жезқазған қаласында – ең көбі - 60 теңге. Мысалы, Талдықорғанда облыс әкімдігінен теміржол вокзалына дейін 180 теңгеге жеткізеді. Ал Жезқазғандағы Ғарышкерлер желекжолынан "Шынар" дүкеніне дейінгі жол ақысы шамамен 150 теңге тұрады. Қаладан тыс жерге барған кезде бағдардың әрбір километрінің құны 90 теңгеден аспайды.
Яндекс.Такси тегін қолданбасы iOS және Android операциялық жүйелерінде қазақ, орыс, ағылшын тілдері мен басқа тілдерде қолжетімді.
