Қазақстан республикасының "Атамекен" кәсіпкерлердің ұлттық палатасы және Қазақстан республикасы қаржы министрлігінің мемлекеттік кірістер комитеті Қазақстан республикасының аумағында ‹‹түбіртекті талап ет – жүлдені ұтып ал!›› науқанын жариялады, деп хабарлайды Ақмола облысы ішкі саясат басқармасының өңірлік коммуникациялар қызметі.
Бұл науқан жалпыреспубликалық іс-шара болып табылады. Науқанның негізгі мақсаты - азаматтардың белсенділігін арттыру, әлеуметтік-экономикалық маңызы бар бақылау-касса машиналарын қолдану кезінде ақшалай есеп айырысуды жүзеге асыруға қатысты қоғамдық пікір қалыптастыру, азаматтарды құқықтық мәдениетке тәрбиелеу мәселелері бойынша тұтынушылардың өз мүдделерін қорғауға, тауарларды, жұмыстарды, көрсетілетін қызметтерді жақсарту болып табылады.
Науқанға Қазақстан республикасының тауарды сатып алу, жұмыс және қызмет ұсыну жолымен ұйымдастырушыларға Wipon мобильдік қосымшасы арқылы түбіртектің суретін науқан кезеңінде өткізгені дәлелденген азаматтар қатыса алады.
Науқан кезінде қатысушыларға Wipon тегін мобильдік қосымшасы үшін iOS (iPhone) және Android жүктеу қол жетімді.
Жеңімпаздар түбіртекті кездейсоқ таңдау жолымен анықталады.
Айта кету керек, ағымдағы жылдың мамыр айынан бастау алған бұл науқан 30 қарашаға дейін жалғасады.
Гранд-финалы Қазақстан республикасы қаржы министрлігінің мемлекеттік кірістер комитетінде өтеді, бағалы сыйлықтар, оның ішінде бас жүлде – автокөлік сарапқа салынады.
