<?xml version="1.0" encoding="UTF-8" ?>
<rss version="2.0"  xmlns:content="http://purl.org/rss/1.0/modules/content/"  xmlns:media="http://search.yahoo.com/mrss/">
    <channel>
        <title>Новости Казахстана на inbusiness.kz</title>
        <link>https://inbusiness.kz/kz/rss/business-guide</link>
        <description><![CDATA[inbusiness.kz – Новости Казахстана на сегодня: важные новости на inbusiness.kz]]></description>
        <language>kk</language>
        <lastBuildDate>Sat, 14 Nov 2026 19:59:00 +0500</lastBuildDate>
                    <item>
                <title><![CDATA[Эсмигүл Куюлова дзюдодан Хорватиядағы Гран-придің қола жүлдесі үшін күреседі]]></title>
                                <link>https://inbusiness.kz/kz/news/esmigul-kuyulova-dzyudodan-horvatiyadagy-gran-pridin-kola-zhuldesi-ushin-kuresedi</link>
                <guid isPermaLink="true">https://inbusiness.kz/kz/news/esmigul-kuyulova-dzyudodan-horvatiyadagy-gran-pridin-kola-zhuldesi-ushin-kuresedi</guid>
                <description>Отандасымыз 63 келіге дейінгі салмақта ел намысын қорғап жатыр.
</description>
                <content:encoded><![CDATA[Қазақстандық дзюдошы Эсмигүл Куюлова Загребте (Хорватия) өтіп жатқан Гран-при турнирінің финалдық кезеңіне шықты, деп жазады inbusiness.kz сайты.

Эсмигүл ширек финалда Джессика Климкейтпен (Канада) кездесті. Тартысты белдесуде жерлесіміз қарсыласына жол берді. 

Дегенмен Эсмигүл жұбаныш белдесуінде венгриялық Бригитта Варганы жеңіп, қола жүлде үшін күресуге мүмкіндік алды. Енді ол хорватиялық Ива Оберанмен қола жүлдені сарапқа салады. Ал Ажар Асхат (70 келі), Данияр Шамшаев, Бақытжан Абдурахманов (73 келі) жарысты ерте аяқтады.

Айта кетейік, финалдық белдесулер бүгін, 14 қарашада, өтеді.
]]></content:encoded>
                <dc:creator xmlns:dc="http://purl.org/dc/elements/1.1/"></dc:creator>
                <pubDate>Sat, 14 Nov 2026 19:59:00 +0500</pubDate>
                                    <enclosure  url="https://inbusiness.kz/uploads/2026-11/7K1Rs4cb.jpeg"   type="image/jpeg"   length="120229"  />
                            </item>
                    <item>
                <title><![CDATA[Көршінің хакерлері Еуропаның тұрмыстық техникасын жаппай талқандауда]]></title>
                                <link>https://inbusiness.kz/kz/news/korshinin-hakerleri-europanyn-turmystyk-tehnikasyn-zhappaj-talkandauda</link>
                <guid isPermaLink="true">https://inbusiness.kz/kz/news/korshinin-hakerleri-europanyn-turmystyk-tehnikasyn-zhappaj-talkandauda</guid>
                <description>​Ондаған миллион еуро шығын, Ресейдің ықтимал ізі және ENISA сарапшыларының дабылы – дүкен мен үйдегі интернетке қосылған техниканың қауіпсіздігіне қатер төнді.
</description>
                <content:encoded><![CDATA[Хакерлер тоңазытқыштарға 150°C-қа қызуға бұйрық берген

Тоңазытқыштар азық-түлікті мұздату орнына қуырыпты деген сұмдықты бұрын-соңды адамзат естіп пе еді? Мұндай қиял цифрлық дәуірде шындыққа айналды. Цифрландыру адамзатқа күтпеген әрі үрейлі тосынсый әзірледі: кеше ғана азық-түлікті сақтайтын қарапайым тоңазытқыш бүгін хакерлердің қолындағы қауіпті қаруға айналды.

2026 жылғы қарашада киберқылмыскерлер Еуропада өнеркәсіптік тоңазытқыш қондырғыларына бұзып кіріп, олардың жұмысын толық бақылауына алған. Енді олар қашықтан температуралық режимдерді өзгертіп, қорғаныс дабылдарын өшіріп, жабдықтарды мәжбүрлі түрде жібіту режиміне қоса алады, деп жазды inbusiness.kz.

Тергеу анықтағандай, кейбір нысанда салқындату жүйесі жойылып, тоңазытқыш ішіндегі температура 50°C-қа дейін көтерілген. Енді бір нысанда термометрі 150°C-қа дейін қыздырылған. Тергеушілер тоңазытқыштардың бұлай жасай алатынын алғаш рет біліпті. 

Ең сорақы оқиға атауы жарияланбаған ірі коммерциялық нысандардың бірінде болған. Ондағы тоңазытқыш жабдықтарын басқаратын контроллер интернетте ашық күйінде қолжетімді болып шыққан. Әңгіме микробағдарламасының осал нұсқасы орнатылған Copeland XWEB Pro құрылғысы туралы болып отыр.

Мұндай құрылғылар мұздатқыш камералар мен сауда витриналарының жұмысын қашықтан онлайн бақылауға мүмкіндік береді. Яғни, кәсіпорын қызметкерлерінің жұмысын жеңілдетуге арналған технология. Алайда қолайлылық нағыз апатқа ұласты.

2 қарашада, түнгі сағат 03:10-да белгісіз адамдар жүйеге әкімші құқығымен кіріп, 31 қондырғының жұмыс параметрлерін өзгертіп тастаған. Небары 6 минут ішінде олар 26 құрылғының баптауларына 588 түзету енгізген. Бұл – минутына жүзге жуық операция жасалған деген сөз. Кибершабуылдың қарқыны адам сенгісіз.

Арада жарты сағат өткенде, сағат 03:36-да шабуылдың екінші толқыны басталған. Бұл жолы жүйеге басқа IP-мекенжайдан тағы бір әкімшілік сессия қосылған. Хакерлер жүйеге қайта баса-көктей кіріп, тағы бес тоңазытқыш камераның параметрлеріне тағы 155 өзгеріс енгізген. Осылайша, барлығы 31 құрылғыға 743 өзгеріс жасалғаны тіркелді.

Шабуыл жасаушылар температуралық шектеулер мен дабыл жүйесінің іске қосылу шектерін өзгерткен, жібіту режимін қосқан, есіктерді ашылған күйде қалдырған, пернетақталарды бұғаттауға, дыбыстық сигналдарды өшіруге команда берген. Кейбір қондырғыларға температураны 110°C және тіпті 150°C-қа дейін көтеру тапсырылған.

Ең қауіптісі – енгізілген жаңа параметрлер қызметкерлерге жүйенің бұзылғанын дер кезінде анықтауға мүмкіндік бермеген: апат туралы ескертуге тиіс қорғаныс тетіктерінің өзі істен шығарылған.

Еуропаға жасалған ауқымды кибершабуылдағы «Ресей ізі»

Copeland контроллерлеріне жасалған шабуыл Еуропаны жайлаған ауқымды хакерлік дауылдың бір бөлігі ғана болып шықты. Францияда Carrefour, Monoprix, Intermarché және Coopérative U секілді ірі сауда желілерінің 1,5 мыңнан астам дүкені шабуылға ұшыраған. Қашықтан басқару арқылы «бабы» өзгертілген тоңазытқыштар тонналаған азық-түлікті жарамсыз етіп қана қоймай, кейбір сауда нүктелерінде техникалық ақаулар салдарынан өрт шығуына да себеп болған.

Франция Сыртқы істер министрлігінің хабарлауынша, келтірілген материалдық шығын ондаған миллион еуроға жетіпті. Қарашаның басында «суық соғыс» оннан астам Еуропа мемлекетіне тарады. 

Олардың қатарында Бельгия, Эстония, Финляндия, Ирландия, Италия, Люксембург, Нидерланд, Португалия және Швеция бар. Шабуылдан стратегиялық маңызды нысандар да зардап шекті. Мысалы, Франциядағы бірнеше «Қан банкі» хакерлердің нысанасына айналған.

Шабуылдардың географиясы ауқымды әрі алаңдатарлық. Бельгияның Монс қаласындағы IKEA дүкені мен ондаған супермаркет зардап шеккен. Ирландияда Supervalu сауда нүктелері, Португалияда Intermarché дүкендері шабуылға тап болған. Швецияда шамамен 800 сауда нүктесін біріктіретін ірі Coop желісіне залал келді.

Италияда хакерлер Сицилиядағы супермаркеттер мен Тосканадағы кәсіпорындар жүйесін үстемелете соққылаған. Эстонияда бұзылған тоңазытқыштар ішіндегі температура қауіпті 50°C-қа дейін көтерілген.

Тағы бір жайт сарапшылардың төбе шашын тік тұрғызды: мұның бәрі кездейсоқ жасалған, ретсіз шабуылдар емес. Керісінше, жаппай кибершабуылдың алдында ұзақ уақытқа созылған, мұқият жоспарланған әрі жүйелі барлау жұмыстары жүргізілген.

Lupovis компаниясының мамандары негізгі шабуылға дейін-ақ, 20–30 қазан аралығында белгісіз тұлғалардың Danfoss жүйелерін белсенді сканерлегенін анықтады. Бар болғаны он күннің ішінде сарапшылар 91 түрлі дереккөзден жүздеген сканерлеу әрекетін тіркеген.

Демек, қаскөйлер ерігіп, аяқ астынан қимылдамаған. Олар нысандардың осал тұстарын алдын ала зерттеп, қолайлы сәтті күтіп, негізгі соққыға ұйымдасқан түрде әрі тыңғылықты дайындалған.


«Біз шабуыл белсенділігінің күрт артқанын байқап отырмыз. Қаскөйлер 123456 сияқты стандартты пароль-құпиясөздерді енгізіп, тексеріп көреді. Осалдықтарды тегіс пайдалануға тырысады», – дейді Lupovis компаниясының бас директоры Ксавье Беллекенс (Xavier Bellekens).


Хакерлермен күресетін бұл компания honeypot деп аталатын арнайы «цифрлық тұзақтарды» пайдаланады. Олар шынайы ақпараттық жүйелерге ұқсатып жасалады және кибершабуылдаушылардың әрекетін нақты жүйелерге зиян келтірмей бақылауға мүмкіндік береді.

Зерттеушілер bulletproof-хостинг қызметтерінің де қолданылғанын анықтаған. Мұндай хостинг провайдерлері зиянды инфрақұрылымды бұғаттауды барынша қиындатады. Олардың кейбірі бұған дейін Ресеймен байланысты хакерлік топтардың әрекеттерінде де пайдаланылған, деп хабарлады Euronews.


«Мұның бәрі script kiddie, яғни, әуесқой хакердің әрекеті емес екені әшкереленді. Бұл – бір адамның кездейсоқ жасаған шабуылы емес, жақсылап жоспарланған арнайы операция. Мұндай ұйымдасу деңгейі мемлекеттік бөлімшелердің мүмкіндіктеріне әбден сай келеді. Оқиғаның бүкіл тізбегін сараласақ, оның артында Ресей тұруы мүмкін екенін жоққа шығара алмаймыз. Қазіргі кезде біз дәл осы нұсқаға көбірек бейімбіз», – деді Lupovis басшысы Ксавье Беллекенс.


Әзірге қарашадағы шабуылдар үшін бірде-бір хакерлік топ жауапкершілікті өз мойнына алған жоқ. Осы орайда Франция тіпті шабуылға ресми түрде Иран Ислам революциясы сақшылар корпусын айыптады. Францияның Сыртқы істер министрі Жан-Ноэль Барро Иран елшісін шақырып, наразылық нотасын ұсынды. 

Сондай-ақ Еуропалық одақ деңгейінде Иранға санкциялар енгізуге күш салатынын мәлімдеді. Алайда Тегеран тағылған айыптарды үзілді-кесілді жоққа шығарып, оларды негізсіз әрі біржақты деп атады.


«Тіпті тоңазытқыштардың қалыпты жұмысын қамтамасыз ете алмайтын, өз халқының мәселелерін шешуге де қауқарсыз Франция Үкіметі өзінің сәтсіздіктері үшін жауапкершілікті өзгелерге артуға ниетті», – деп мәлімдеді Иран Сыртқы істер министрі Аббас Арагчи.


ENISA ескертуі: үйлер, ауруханалар, Дата-орталықтар қауіп астында

Мамандардың байламынша, қауіп тек тоңазытқыш жабдықтарымен шектелмейді. Жылыту, желдету және ауа баптау жүйелері, электронды баға белгілері, робот-еден жуғыштар, ғимараттарға кіруді бақылау құрылғылары, қауіпсіздік жүйелері, бейнебақылау камералары және дабыл жүйелері де осындай осалдықтарға ие, дейді Acre Security компаниясының атқарушы директоры Кумар Сокки.

«Тоңазытқыштағы сияқты контроллерлер есіктерді, бейнебақылау жүйелерін, жарықтандыруды, дабыл құрылғыларын да басқарады. Сондықтан аурухана, кеңсе немесе деректерді өңдеу орталықтары хакерлік шабуылға ұшыраса, оның салдары азық-түліктің бүлінуінен әлдеқайда ауыр болады. Сейфтер құлыпталмай ашық қалады, бейнебақылау камералары өшіріледі, дабыл жүйелері жұмысын тоқтатады. Тоңазытқыш бұзылса, азық-түлік сасып, бірден білінеді. Мына жағдайда хакерлердің бұзып кіргенін бірден байқау қиын болады», – дейді Кумар Сокки.

Еуропалық Одақтың Киберқауіпсіздік агенттігінің (ENISA) атқарушы директоры Юхан Лепассар болашақта барлық тұрмыстық техника осындай шабуылдардың «құрбаны» болуы мүмкін екенін ескертті. Киберқылмыскерлер қалаған баспанада өрт тудыра алады.


«Бүгін тоңазытқыштар шабуылға ұшырады, ертең маршрутизаторлар, арғы күні тұрмыстық электр құрылғылары және тағы басқалары нысанаға айналуы мүмкін. Қауіпсіздік мәселесі ешқашан екінші кезекке ысырылмауы керек», – деді ол.


Ол қауіп-қатерді күшейткен тағы бір фактор – жасанды интеллект екеніне назар аудартты. Бұл технология хакерлерге техниканың, жүйелердің осал тұстарын анықтау үдерісін жеделдетеді. 

Италиялық Exein киберқауіпсіздік компаниясының бас директоры Джанни Куоццоның пікірінше, әсіресе ЖИ функциялармен жабдықталған, интернетке қосылған және қашықтан басқаруға болатын жүйелер алаңдатады.


«Бұған салқындату жүйелері, ғимараттарды басқару кешендері, өнеркәсіптік жабдықтар, денсаулық сақтау саласындағы жүйелер, деректер орталықтары, сондай-ақ энергетикалық және көлік инфрақұрылымының жекелеген бөліктері жатады», – деді ол.


Куоццоның түсіндіруінше, енді желілік экрандар мен бағдарламалық жаңаруларды уақтылы орнатуға ғана сеніп отыру жеткіліксіз. Интернетке қосылған құрылғылар қауіп-қатерді өзі танып, оның алдын алуды үйренуі қажет.


«Әрбір құрылғы нақты уақыт режимінде, адамның қатысуынсыз өзін-өзі қорғауға қабілетті болуы керек. Сондай-ақ ол жаңартуының бар-жоғына немесе осалдықтың анықталған-анықталмағанына қарамастан, мысалы, тоңазытқыштың 150 градусқа дейін ысуы сияқты ешқашан орындауға болмайтын әрекеттерді өздігінен, алдын ала бұғаттай алуы қажет», – деді сарапшы.


Енді кибершабуылдар тек арта беруі ғажап емес. Еуропадағы ұйымдардың 45%-ы киберқауіпсіздік саласындағы білікті мамандарды іздеп табуда қиындықтарға тап болған. 2025 жылы тіркелген киберинциденттердің 57,3%-ына геосаяси оқиғалармен байланысты идеологиялық себептер түрткі болған. Ал, шабуылдардың тек 29,3% ғана пайда табуды көздеген.

Бұл деректер цифрлық қауіпсіздіктің енді тек IT мамандарының немесе ірі технологиялық компаниялардың проблемасы емес екенін көрсетеді. Интернетке қосылған әрбір құрылғы, әрбір ғимарат, әрбір өндірістік нысан – ықтимал шабуыл нысанасы.

Бүгін тоңазытқыштарды күйретіп, ермек еткен қаскөйлердің назары ертең адам өмірі тікелей тәуелді ауруханаларға, энергетикалық желілерге немесе көлік жүйелеріне аумасына кім кепіл? Цифрлық өркениеттің игілігіне айналған технологиялардың осал тұсы енді бүкіл қоғамның қауіпсіздігіне қатер төндіріп тұр. Мұндай жағдайда киберқауіпсіздік ұлттық және халықаралық қауіпсіздіктің ажырамас бөлігіне айналады.
]]></content:encoded>
                <dc:creator xmlns:dc="http://purl.org/dc/elements/1.1/">Жанат Ардақ</dc:creator>
                <pubDate>Sat, 14 Nov 2026 12:56:00 +0500</pubDate>
                                    <enclosure  url="https://inbusiness.kz/uploads/2026-11/Bs6Ahhiu.jpeg"   type="image/jpeg"   length="147387"  />
                            </item>
                    <item>
                <title><![CDATA[Жүк кемесі круиздік кемеге соғылып, 129 адамды ажал құштыра жаздады]]></title>
                                <link>https://inbusiness.kz/kz/news/zhuk-kemesi-kruizdik-kemege-sogylyp-129-adamdy-azhal-kushtyra-zhazdady</link>
                <guid isPermaLink="true">https://inbusiness.kz/kz/news/zhuk-kemesi-kruizdik-kemege-sogylyp-129-adamdy-azhal-kushtyra-zhazdady</guid>
                <description>АҚШ-тың Жаңа Орлеан қаласында ірі жүк кемесі жолаушылар мінген круиздік кемеге соғылды.

 
</description>
                <content:encoded><![CDATA[Соққыдан кейін жолаушылар кемесі аударылып, адамдар суға құлаған. 32 адам ауруханаға жеткізілді, деп жазады inbusiness.kz сайты Reuters басылымына сілтеме жасап.

Оқиға 13 қарашада жергілікті уақытпен сағат 12:30 шамасында Миссисипи өзенінде болған.

Алдын ала мәлімет бойынша, Atlantic Asphalt танкері өзен жағасында тоқтап тұрған American Heritage круиздік кемесіне соғылған. Сол кезде кемеде 129 жолаушы және экипаж мүшелері болған.

Қатты соққыдан кейін жолаушылар кемесіне су кіріп, ол бір жағына қисая бастаған. Адамдар кемеден шығуға асыққанымен, көп ұзамай кеме аударылып кеткен. Бірнеше жолаушы өзенге құлаған.

Оқиға орнына құтқарушылар, полиция қызметкерлері мен АҚШ жағалау күзеті жеткен. Суға құлаған адамдарды құтқаруға жақын маңдағы кемелердің экипаждары да көмектескен.

Жаңа Орлеан мэрі Хелена Мореноның мәліметінше, апат салдарынан 32 адам ауруханаға жеткізілген. Олардың ешқайсысының жағдайы аса ауыр емес.

Ең бастысы, апаттан ешкім қаза таппаған. Кемедегі жолаушылар мен экипаж мүшелерінің барлығы түгел екені анықталған.


«Бұл – Миссисипидегі нағыз ғажайып», – деді қала мэрі құтқарушылардың жедел әрекетіне ризашылығын білдіріп.


Алдын ала болжам бойынша, жүк кемесі басқарудан шығып, тоқтап тұрған круиздік кемеге соғылған. Апаттың нақты себебін мамандар анықтап жатыр.

Оқиғадан кейін Миссисипи өзенінің апат болған бөлігінде кеме қозғалысы уақытша тоқтатылған.

АҚШ-тың Көлік қауіпсіздігі жөніндегі ұлттық кеңесі оқиғаны тергеуге кірісті.
]]></content:encoded>
                <dc:creator xmlns:dc="http://purl.org/dc/elements/1.1/"></dc:creator>
                <pubDate>Sat, 14 Nov 2026 10:40:00 +0500</pubDate>
                                    <enclosure  url="https://inbusiness.kz/uploads/2026-11/GfYBgvXT.png"   type="image/png"   length="525044"  />
                            </item>
                    <item>
                <title><![CDATA[Тұтас үй қирап, астында қалған анасы мен 2 баласы аман шықты]]></title>
                                <link>https://inbusiness.kz/kz/news/tutas-uj-kirap-astynda-kalgan-anasy-men-2-balasy-aman-shykty</link>
                <guid isPermaLink="true">https://inbusiness.kz/kz/news/tutas-uj-kirap-astynda-kalgan-anasy-men-2-balasy-aman-shykty</guid>
                <description>АҚШ-тың Нью-Йорк қаласында үш қабатты тұрғын үй опырылып, 8 адам қаза тапты.
</description>
                <content:encoded><![CDATA[Қайғылы оқиғадан анасы мен 2 баласы тірі қалған. Алайда әйелдің жағдайы ауыр, ал балаларының бірі отадан кейін жансақтау бөліміне түскен, деп жазады inbusiness.kz сайты CBS News басылымына сілтеме жасап.

Оқиға 11 қарашада Нью-Йорктің Бруклин ауданында болған. Алдын ала мәлімет бойынша, тұрғын үй көршілес құрылыс алаңында қазылған шұңқырға қарай құлаған. Соның салдарынан жанындағы тағы бір ғимараттың қабырғасы қираған.

Үйінді астынан анасы мен 2 баласы тірі табылған. Әйел ауыр жарақат алған. Балаларының біріне дәрігерлер ота жасап, кейін жансақтау бөліміне жатқызған.

Оқиға орнына өрт сөндірушілер, құтқарушылар мен дәрігерлер жеткен. Үйінді астында қалғандарды іздеуге арнайы үйретілген иттер де тартылған.

Бұған дейінгі мәлімет бойынша, апаттан 8 адам көз жұмып, 18 адам жарақат алған. Қаза тапқандардың арасында 2 бала мен 2 құрылыс жұмысшысы бар екені хабарланған.

Құтқарушылар үйінділерді аршып, адамдарды іздеу жұмыстарын жүргізген. Қауіпсіздік үшін көрші үйлердің тұрғындары уақытша көшірілген.

Қазір ғимараттың неліктен опырылғаны анықталып жатыр. Оған жақын маңдағы құрылыс жұмыстары себеп болуы мүмкін деген болжам бар.
]]></content:encoded>
                <dc:creator xmlns:dc="http://purl.org/dc/elements/1.1/"></dc:creator>
                <pubDate>Sat, 14 Nov 2026 10:25:00 +0500</pubDate>
                                    <enclosure  url="https://inbusiness.kz/uploads/2026-11/3zwQ03hw.jpg"   type="image/jpeg"   length="255259"  />
                            </item>
                    <item>
                <title><![CDATA[Электр стансалары уақытында салынбаса, басшылар жауап береді]]></title>
                                <link>https://inbusiness.kz/kz/news/elektr-stansalary-uakytynda-salynbasa-basshylar-zhauap-beredi</link>
                <guid isPermaLink="true">https://inbusiness.kz/kz/news/elektr-stansalary-uakytynda-salynbasa-basshylar-zhauap-beredi</guid>
                <description>Нұрлыбек Нәлібаев отын-энергетика кешенін дамыту мәселелері жөнінде кеңес өткізді, деп жазады inbusiness.kz сайты.
</description>
                <content:encoded><![CDATA[Премьер-министрдің бірінші орынбасары Нұрлыбек Нәлібаев Мемлекет басшысының «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауында берген тапсырмалары шеңберінде отын-энергетика кешенін дамыту мәселелері бойынша кеңес өткізді. Оған Энергетика министрлігінің, «Самұрық-Энерго» АҚ, «KEGOC» АҚ, «QazaqGaz» ҰК» АҚ-ның басшылары және облыстар мен Астана, Алматы, Шымкент қалалары әкімдерінің орынбасарлары қатысты.

Жиында жаңа қуат көздерін іске қосу, елді мекендерді газбен қамту, энергетикалық және коммуналдық инфрақұрылымды жаңғырту жоспарлары қаралды.

Энергетика министрлігіне жаңа қуат көздерін уақтылы іске қосу және электр стансаларын жаңғыртуды бақылауға алу тапсырылды. Көмір генерациясының ірі жобалары – Екібастұз МАЭС-3, Курчатовтағы КЭС, Көкшетау, Семей, Өскемен қалаларындағы жаңа ЖЭО-ларды жүзеге асыруға ерекше назар аударылды.

2035 жылға дейінгі энергетикалық теңгерімді өзектендіру кезінде жасанды интеллект саласындағы жобалар мен деректер орталықтары тарапынан туындайтын электр энергиясына қосымша сұранысты ескеру қажет.

Өңірлерді газдандыру бойынша тұрғындар саны ең көп елді мекендерге басымдық беруге, сондай-ақ тұтынушыларды газ желілеріне қосу мүмкіндіктерін одан әрі кеңейтуге баса назар аударылды.

Инфрақұрылымды дамыту қорының қаражаты есебінен қаржыландырылатын коммуналдық инфрақұрылымды жаңғырту жобалары бойынша әкімдіктер құжаттаманы уақтылы дайындауы, сараптамадан өтуді қамтамасыз етуі, мердігерлерді анықтауы қажет. Бұл ретте басты назар құрылыс мерзімі мен сапасының сақталуына, қаражаттардың мақсатты жұмсалуына аударылуы тиіс.

Кеңес қорытындысы бойынша мемлекеттік органдар мен ұйымдардың бірінші басшыларының қойылған міндеттерді орындағанына қатысты, сондай-ақ нысандарды пайдалануға уақтылы берудегі дербес жауапкершілігі атап өтілді.
]]></content:encoded>
                <dc:creator xmlns:dc="http://purl.org/dc/elements/1.1/"></dc:creator>
                <pubDate>Sat, 14 Nov 2026 09:25:00 +0500</pubDate>
                                    <enclosure  url="https://inbusiness.kz/uploads/2026-11/2dWumA6e.jpg"   type="image/jpeg"   length="806846"  />
                            </item>
                    <item>
                <title><![CDATA[Өзіне ескерту жасаған сарбазды Пентагон басшысы марапаттады]]></title>
                                <link>https://inbusiness.kz/kz/news/ozine-eskertu-zhasagan-sarbazdy-pentagon-basshysy-marapattady</link>
                <guid isPermaLink="true">https://inbusiness.kz/kz/news/ozine-eskertu-zhasagan-sarbazdy-pentagon-basshysy-marapattady</guid>
                <description>Бұл туралы BILD басылымы хабарлады, деп жазады inbusiness.kz сайты.
</description>
                <content:encoded><![CDATA[АҚШ қорғаныс министрі Пит Хегсет Белгісіз сарбаз зиратының басында өзіне және қасындағы адамдарға ескерту жасаған әскери қызметкерді марапаттады. 

Оқиға 11 қарашада, АҚШ-тағы Ардагерлер күні Арлингтон ұлттық зиратында болған.

Еске алу рәсімінен кейін Пит Хегсет жұбайымен және Пентагонның бірнеше жоғары лауазымды өкілімен бірге ескерткіш алдында суретке түскен. Олар кетуге ыңғайланған сәтте араларынан біреу қатты күліп жіберген.

Мұны естіген қарауылдағы сарбаз Томас Иглесиас оларға бірден ескерту жасап, тыныштық сақтауды талап еткен. Ол зират басында тұрғандардың бәрі қаза тапқан жауынгерлерге құрмет көрсетуге тиіс екенін еске салған.

Бір қызығы, министр өзіне ескерту жасаған сарбазды жазалаудың орнына марапаттауды жөн көрген.

Ертеңіне Хегсет Томас Иглесиас қызмет ететін 3-жаяу әскер полкінің сарбаздарын Пентагонға шақырған. Бұл әскери бөлім АҚШ-та «Ескі гвардия» деген атпен белгілі.

Кездесу барысында министр Иглесиасқа Joint Service Commendation Medal медалін өз қолымен табыстаған.


«Біз сарбаздарымызды жақсы көреміз. Біз тәртіпті бағалаймыз. Жарайсың!» – деп жазды Хегсет X әлеуметтік желісінде.


Пентагон да сарбаздың әрекетін құптады. Қорғаныс ведомствосының мәліметінше, Иглесиас ешқандай тәртіп бұзбаған, керісінше, өз міндетін адал атқарған.

Арлингтон ұлттық зиратындағы Белгісіз сарбаз зираты – америкалықтар үшін ерекше қастерлі орын. Мұнда Бірінші және Екінші дүниежүзілік соғыстарда, сондай-ақ Корея соғысында қаза тапқан, кім екені анықталмаған жауынгерлер жерленген.
]]></content:encoded>
                <dc:creator xmlns:dc="http://purl.org/dc/elements/1.1/"></dc:creator>
                <pubDate>Sat, 14 Nov 2026 09:00:00 +0500</pubDate>
                                    <enclosure  url="https://inbusiness.kz/uploads/2026-11/t0hNLg4I.jpg"   type="image/jpeg"   length="100881"  />
                            </item>
                    <item>
                <title><![CDATA[Ғалия Тынбаева Загребтегі Гран-при турнирінің күміс жүлдегері атанды]]></title>
                                <link>https://inbusiness.kz/kz/news/galiya-tynbaeva-zagrebtegi-gran-pri-turnirinin-kumis-zhuldegeri-atandy</link>
                <guid isPermaLink="true">https://inbusiness.kz/kz/news/galiya-tynbaeva-zagrebtegi-gran-pri-turnirinin-kumis-zhuldegeri-atandy</guid>
                <description>Қазақстандық дзюдошы Ғалия Тынбаева Хорватия астанасы Загребте өтіп жатқан Гран-при турнирінде күміс медаль жеңіп алды, деп хабарлайды inbusiness.kz сайты. 
</description>
                <content:encoded><![CDATA[Отандасымыз 48 келіге дейінгі салмақ дәрежесінде финалға дейін жетті.

Шешуші белдесуде ол 2026 жылғы әлем чемпионатының күміс жүлдегері, италиялық Ассунта Скуттомен кездесті. Бұл жолы қарсыласы басым түсіп, Ғалия турнирді екінші орынмен аяқтады.

ҚР Ұлттық Олимпиада комитетінің мәліметінше, қазақстандық спортшы финалға дейін Италия, Испания, Бразилия және Австрия өкілдерінен басым түскен.

Италиялық Азия Аванзатоны, испаниялық Ева Перес Солер, бразилиялық Наташа Феррейра және австриялық Жаклин Шпрингерді жеңген.
]]></content:encoded>
                <dc:creator xmlns:dc="http://purl.org/dc/elements/1.1/">Сымбат Айдархан</dc:creator>
                <pubDate>Fri, 13 Nov 2026 22:17:00 +0500</pubDate>
                                    <enclosure  url="https://inbusiness.kz/uploads/2026-11/FPXssBlI.jpg"   type="image/jpeg"   length="119505"  />
                            </item>
                    <item>
                <title><![CDATA[Мемлекет басшысы Қауіпсіздік Кеңесінің шұғыл отырысын өткізді]]></title>
                                <link>https://inbusiness.kz/kz/news/memleket-basshysy-auipsizdik-keesini-shyl-otyrysyn-tkizdi-79784</link>
                <guid isPermaLink="true">https://inbusiness.kz/kz/news/memleket-basshysy-auipsizdik-keesini-shyl-otyrysyn-tkizdi-79784</guid>
                <description>Президент Қасым-Жомарт Тоқаевтың төрағалығымен Қауіпсіздік Кеңесінің көлік-транзит саласын дамыту мәселесіне арналған шұғыл отырысы өтті, деп хабарлайды inbusiness.kz сайты. 
</description>
                <content:encoded><![CDATA[Жиында халықаралық көлік дәліздерін дамыту перспективасы және еліміздің транзит әлеуетін нығайту шаралары қаралды.

Премьер-министрдің орынбасары – Көлік министрі Әсел Жанасова, Қаржы министрі Мәди Такиев және Үкіметтің өзге де мүшелері саланың қазіргі ахуалы, жүзеге асырылып жатқан жобалар мен алдағы даму бағыттары туралы баяндама жасады.

Қауіпсіздік Кеңесінің Төрағасы әлемде көлік-логистика байланыстарының жаңа жүйесі қарқынды түрде қалыптасып келе жатқанын атап өтті.

Мемлекет басшысы халыққа арнаған Жолдауында еліміздің транзит әлеуетін нығайтудың негізгі бағыттары айқындалғанына назар аударып, Қазақстан халықаралық көлік құрылымында проактивті позиция ұстануы керек екенін айтты.

Еліміздің географиялық тұрғыдан ұтымды орналасуы бірқатар артықшылық береді. Алайда мемлекеттің бәсекеге қабілеттілігі тасымалдың жылдамдығына және сенімділігіне, оның шарттары мен мерзімдерінің алдын ала айқын болуына, сондай-ақ тарифтердің тиімділігіне байланысты.


Ең алдымен, транзиттік жүктерді өткізу мүмкіндігін арттырып, отандық әуе тасымалдаушыларға жағдай жасау және теңіз көлігін дамыту керек.
]]></content:encoded>
                <dc:creator xmlns:dc="http://purl.org/dc/elements/1.1/">Сымбат Айдархан</dc:creator>
                <pubDate>Fri, 13 Nov 2026 19:25:00 +0500</pubDate>
                                    <enclosure  url="https://inbusiness.kz/uploads/2026-11/Us7Gp0hA.jpg"   type="image/jpeg"   length="157394"  />
                            </item>
                    <item>
                <title><![CDATA[Президент: Сыбайлас жемқорлыққа батқан ниеті теріс кісілер – біздің қас жауымыз]]></title>
                                <link>https://inbusiness.kz/kz/news/prezident-sybajlas-zhemkorlykka-batkan-nieti-teris-kisiler-bizdin-kas-zhauymyz</link>
                <guid isPermaLink="true">https://inbusiness.kz/kz/news/prezident-sybajlas-zhemkorlykka-batkan-nieti-teris-kisiler-bizdin-kas-zhauymyz</guid>
                <description>Әділетті Қазақстанды құру ісінде жалқаулық пен селқостыққа бой алдыруға болмайды. 

 
</description>
                <content:encoded><![CDATA[Ал сыбайлас жемқорлыққа батқан ниеті теріс кісілер – біздің қас жауымыз. Бұл туралы Мемлекет басшысы Қасым-Жомарт Тоқаев Қауіпсіздік Кеңесінің шұғыл отырысында айтты, деп хабарлайды inbusiness.kz сайты.


«Өздеріңізге мәлім, қазір біз жаңа тарихи кезеңге қадам бастық. Енді бір орында тұрып қалуға, бұрынғы жетістіктерді місе тұтып, арқаны кеңге салуға хақымыз жоқ. Әділетті Қазақстанды құру ісінде жалқаулық пен селқостыққа бой алдыруға болмайды. Ал сыбайлас жемқорлыққа батқан ниеті теріс кісілер – біздің қас жауымыз. Олар қазірдің өзінде «Халықтық құрылыс» бағдарламасын іске асыруға кедергі келтіріп, зиян тигізуді ойлап жүр. Біз бұған, әлбетте, ешқашан жол бермейміз. Барлық әлеуметтік инфрақұрылым нысандары, соның ішінде жолдар, әуежайлар, емханалар, оңалту орталықтары, шығармашылық үйлері, мектептер мен спорт кешендері сапалы салынуы керек. Бұл – мүлтіксіз орындалуға тиіс талап», – деді Қасым-Жомарт Тоқаев.


Оның сөзінше, мемлекет қаржысының тиімді жұмсалуын арнайы мемлекеттік комиссия қадағалайды. Оның құрамы келесі аптаның басында жарияланады. 


«Осылайша, біз халықтың әл-ауқатын арттыруды және азаматтардың тұрмыс сапасын жақсартуды көздейтін түпкі мақсатымызды жүзеге асыруды бастаймыз. Осы істе Конституциямызда бекітілген Заң, Әділеттілік және Тәртіп қағидаттары айнымас темірқазығымыз болады. Әрине, бұл жол оңай болмайды. Тіпті түрлі қиындықтар да кездесетіні анық. Халқымыз «Жол мұраты – жету» деп бекер айтпаған. Сондықтан табандылық танытып, алға қойған мақсаттарымызға міндетті түрде қол жеткіземіз», – деді Президент.

]]></content:encoded>
                <dc:creator xmlns:dc="http://purl.org/dc/elements/1.1/">Балжан Смаилова</dc:creator>
                <pubDate>Fri, 13 Nov 2026 15:36:00 +0500</pubDate>
                                    <enclosure  url="https://inbusiness.kz/uploads/2026-11/PXXKbu0s.jpg"   type="image/jpeg"   length="85523"  />
                            </item>
                    <item>
                <title><![CDATA[«Ешкім заңнан аттап кете алмайды»: Президент жоғары лауазымды тұлғаларға ескерту жасады]]></title>
                                <link>https://inbusiness.kz/kz/news/eshkim-zannan-attap-kete-almajdy-prezident-zhogary-lauazymdy-tulgalarga-eskertu-zhasady</link>
                <guid isPermaLink="true">https://inbusiness.kz/kz/news/eshkim-zannan-attap-kete-almajdy-prezident-zhogary-lauazymdy-tulgalarga-eskertu-zhasady</guid>
                <description>Үкімет пен бақылаушы органдар 24 қарашаға дейін сыбайлас жемқорлықты азайту бойынша ұсыныс беруі тиіс.

 
</description>
                <content:encoded><![CDATA[Мемлекет басшысы Қасым-Жомарт Тоқаев Үкімет пен бақылаушы органдарға сыбайлас жемқорлыққа қатысты құқықбұзушылықтарды барынша азайту жөнінде ұсыныс беруді тапсырды, деп хабарлайды inbusiness.kz сайты. 


«Жоғары лауазымға ие болу – әрқашан және әрдайым жүктелетін жоғары жауапкершілікті дұрыс түсіну деген сөз. Қоғамымызда атқаратын лауазымына, сіңірген еңбегіне не болмаса тамыр-таныстарына, соның ішінде туыстық байланыстарына қарамастан, ешкім де заңнан аттап кете алмайды. Бұл – мен үшін мызғымайтын, яғни өзгермейтін ұстаным. Соңғы кезде біз кейбір келісімдер мен шарттарды қайта қарадық. Меніңше, оларға қол қою қате шешім болған. Бірақ биліктің кәсіпкерлерге кедергілер, тосқауылдар жасайтын ойы да, ниеті де жоқ. Керісінше, біз оларға әрдайым жан-жақты қолдау көрсетіп жатырмыз және алдағы уақытта да солай болады. Бәріңіз де білесіздер, мен келесі жылдың 1 қаңтарынан бастап шағын кәсіпкерлікті тексеруге арналған тағы бір үш жылдық мораторий жариялау туралы тапсырмамды бердім», – деді Президент.


Мемлекет басшысының сөзінше, елімізде біртіндеп орнығып жатқан «Заң мен Тәртіп» құқықтық стратегиясының түпкі мәні де – осы: әділеттілік қағидатына және заң талаптарына сай көмекке мұқтаж адамдарға, сондай-ақ кәсіпорындарға қолдау көрсету.


«Жағдай қаншалықты күрделі болса да «Самұрық-Қазына» ұлттық әл-ауқат қорының аппараты мен мемлекеттік компаниялардың, соның ішінде «Қазақстан темір жолының» жұмысы тоқтап қалмайды, үздіксіз жүре береді. Мемлекеттік компанияларға қарасты барлық мекемелер қалыпты тәртіппен жұмыс істеп жатыр. Жалпы, бұған ешқандай себеп те жоқ. Керісінше, жемқорлыққа қарсы жүргізіліп жатқан күрес инвесторлар мен несие берушілердің аталған институтқа деген сенімін арттырып, олардың мейлінше тиімді, ашық және жемісті жұмыс істеуіне мүмкіндік береді деп санаймын», – деп атап өтті ол.


Президент Бас прокуратура жалпы сомасы 1,3 триллион теңгеден асатын заңсыз иемденген активтерді қайтарғанын еске салды. Бұл  қаражат 466 әлеуметтік және инфрақұрылымдық нысанның құрылысына жұмсалды.


«Қазіргі таңда 383 нысан, соның ішінде медициналық мекемелер, сумен жабдықтау желілері, мектептер, спорт кешендері салынып бітті. Жұмыс жалғаса береді. Қалыптасқан жағдайға қарағанда, нысандар қаншалықты сапалы салынғанын тексеруге себеп бар сияқты. Өйткені нысандардың, соның ішінде жолдардың сапасы талапқа сай болмайтын жағдай жиі кездеседі. Дегенмен осы оқиғаның өзі жемқорлыққа қатысты құқық бұзушылықтар мемлекеттік компаниялардың ең осал тұсы, яғни, басты дерті екенін айқын көрсетіп отыр. Осы орайда, Үкімет пен бақылаушы органдар биыл 24 қарашаға дейін сыбайлас жемқорлыққа қатысты құқықбұзушылықтарды барынша азайту, квазимемлекеттік сектордағы компаниялар мен олардың қызметкерлерінің жұмыс сапасын айтарлықтай жақсарту жөнінде маған ұсыныс берсін», – деді Қасым-Жомарт Тоқаев.

]]></content:encoded>
                <dc:creator xmlns:dc="http://purl.org/dc/elements/1.1/">Балжан Смаилова</dc:creator>
                <pubDate>Fri, 13 Nov 2026 15:30:00 +0500</pubDate>
                                    <enclosure  url="https://inbusiness.kz/uploads/2026-11/gOOHCmaG.jpg"   type="image/jpeg"   length="123839"  />
                            </item>
                    <item>
                <title><![CDATA[Жемқорлықты жою үшін барлығын халыққа ашық көрсетіп отырамыз – Мемлекет басшысы]]></title>
                                <link>https://inbusiness.kz/kz/news/zhemkorlykty-zhoyu-ushin-barlygyn-halykka-ashyk-korsetip-otyramyz-memleket-basshysy</link>
                <guid isPermaLink="true">https://inbusiness.kz/kz/news/zhemkorlykty-zhoyu-ushin-barlygyn-halykka-ashyk-korsetip-otyramyz-memleket-basshysy</guid>
                <description>Түрлі деңгейдегі басшылардың жымқыруға қатысты құқық бұзушылықтарын Ұлттық қауіпсіздік комитетінің Сыбайлас жемқорлыққа қарсы іс-қимыл жөніндегі қызметі Бас прокуратурамен бірге жедел және жіті тексереді.

 
</description>
                <content:encoded><![CDATA[Бұл туралы Мемлекет басшысы Қасым-Жомарт Тоқаев Қауіпсіздік Кеңесінің шұғыл отырысында айтты, деп хабарлайды inbusiness.kz сайты.


«Тек соңғы үш жылдың ішінде, яғни 2023 және 2025 жылдар аралығында 3 168 сыбайлас жемқорлық бойынша құқық бұзушылық анықталды, соның ішінде 2 165 құқық бұзушылықты мемлекеттік қызметшілер жасаған, ал қалғанын басқа да тұлғалар, атап айтқанда, квазимемлекеттік сектор қызметшілері жасаған. Жалпы сомасы 248 миллиард теңгеден асады. Осы жылдың он айы ішінде 751 сыбайлас жемқорлыққа қатысты құқықбұзушылық жасалған, соның 546-сын – мемлекеттік қызметшілер, ал 205-ін өзге де тұлғалар жасаған, соның ішінде квазимемлекеттік сектор қызметшілері де бар. Осы статистикадан көріп отырғанымыздай, еліміздегі сыбайлас жемқорлық ахуалы күрделі болып тұр. Бірақ біз ешнәрсені де жасырмаймыз, басын құмға тыққан страустың кейпіне түспейміз», – деді Президент.


Біз осы саладағы мәселенің бәрін ашық айтамыз, жемқорлықты жою үшін қабылданған және қабылданатын шаралар туралы да ешнәрсені жасырмай, барлығын халыққа ашық көрсетіп отырамыз, деп атап өтті Мемлекет басшысы.


«Сол себепті түрлі деңгейдегі басшылардың жымқыруға қатысты құқық бұзушылықтарын Ұлттық қауіпсіздік комитетінің Сыбайлас жемқорлыққа қарсы іс-қимыл жөніндегі қызметі Бас прокуратурамен бірге жедел және жіті тексереді. «Өзіміздікі» және «Өзіміздікі емес», тіпті «бөтен» деп бөлуге мүлде жол берілмейді. Өйткені Конституцияда заң мен сот алдында бәрі тең екені анық жазылды. Біз бәріміз де осы заңға бағынуымыз керек», – деді Қасым-Жомарт Тоқаев.


Айта кету керек, бұған дейін Қауіпсіздік Кеңесінің шұғыл отырысы өткенін жазғанбыз.
]]></content:encoded>
                <dc:creator xmlns:dc="http://purl.org/dc/elements/1.1/">Балжан Смаилова</dc:creator>
                <pubDate>Fri, 13 Nov 2026 15:17:00 +0500</pubDate>
                                    <enclosure  url="https://inbusiness.kz/uploads/2026-11/xcq23mqX.jpg"   type="image/jpeg"   length="120840"  />
                            </item>
                    <item>
                <title><![CDATA[«Жемқорлық белең алғанын көрсетеді»: Президент ҚТЖ мен «Самұрық-Қазына» басшыларының ұсталуы жайлы]]></title>
                                <link>https://inbusiness.kz/kz/news/zhemkorlyk-belen-alganyn-korsetedi-prezident-ktzh-men-samuryk-kazyna-basshylarynyn-ustaluy-zhajly</link>
                <guid isPermaLink="true">https://inbusiness.kz/kz/news/zhemkorlyk-belen-alganyn-korsetedi-prezident-ktzh-men-samuryk-kazyna-basshylarynyn-ustaluy-zhajly</guid>
                <description>​Қауіпсіздік Кеңесінің шұғыл отырысы өтті. 
</description>
                <content:encoded><![CDATA[Мемлекет басшысы Қасым-Жомарт Тоқаев Қауіпсіздік Кеңесінің шұғыл отырысында «Самұрық Қазына» ұлттық әл-ауқат қоры мен «Қазақстан темір жолы» ҰК» АҚ басшыларының ұсталуына байланысты мәлімдеме жасады, деп хабарлайды inbusiness.kz сайты.


 «Кеше еліміздің бұқаралық ақпарат құралдары «Самұрық-Қазына» қоры мен «Қазақстан темір жолы» компаниясы басшыларының ұсталғаны туралы мәлімет таратты. Ашығын айтқанда, бұл – мемлекеттік компанияларда жемқорлық белең алғанын көрсететін аса күрделі жағдай. Жалпы, заң бойынша тергеу мәселелерін жариялауға немесе ашып көрсетуге болмайды. Оның үстіне тергеу жұмысы да енді басталды. Алайда қазірдің өзінде мына нәрсені анық айтуға болады: бұл – біз «Заң мен Тәртіп» тұжырымдамасын жариялап, оны Конституциямызда мемлекеттік басқару мен қоғам өмірінің басты қағидаты ретінде бекіткелі бері біртұтас жүйеге кіретін мемлекеттік компанияларда болып тұрған сыбайлас жемқорлыққа қатысты алғашқы ірі іс», – деді Президент.


Мемлекет басшысының айтуынша, еліміздің Конституциясы 15 наурызда жалпыұлттық референдум кезінде бірауыздан қабылданды, 1 шілде күні заңды күшіне енді. 


«Осылайша, мемлекетіміздің бас құжаты әділетті түрде «Халық Конституциясы» деп аталды. Конституцияның ережелері мен баптарын бұзуға, халқымыздың осы қасиетті құжатын келемеж жасауға, кемсітушілік көрсетуге ешкімнің де хақы жоқ», – деп атап өтті ол.

]]></content:encoded>
                <dc:creator xmlns:dc="http://purl.org/dc/elements/1.1/">Балжан Смаилова</dc:creator>
                <pubDate>Fri, 13 Nov 2026 15:07:00 +0500</pubDate>
                                    <enclosure  url="https://inbusiness.kz/uploads/2026-11/ZQTb6awG.jpg"   type="image/jpeg"   length="100285"  />
                            </item>
                    <item>
                <title><![CDATA[Мәскеудің ең жақын досы Түркияға кетіп қалды]]></title>
                                <link>https://inbusiness.kz/kz/news/maskeudin-en-zhakyn-dosy-turkiyaga-ketip-kaldy</link>
                <guid isPermaLink="true">https://inbusiness.kz/kz/news/maskeudin-en-zhakyn-dosy-turkiyaga-ketip-kaldy</guid>
                <description>Бұған Алматыда қабылданған шешімнің де игі ықпалы болғаны жарияланды.

 
</description>
                <content:encoded><![CDATA[Армения Премьер-министрі Никол Пашинян Анкарамен, Бакумен және Вашингтонмен қарым-қатынасын нығайтып, Трамптың TRIPP жобасын ілгерілетуде. Бұрынғыдай кеңестік және ресейлік әскери өніммен шектелмей, енді шетелдік қару-жарақ сатып алуды ұлғайтқан.

Мәскеуде ҰҚШҰ саммиті өтіп жатқанда, Армения болашақ бағытын таңдады

2026 жылғы 11 қараша Арменияның сыртқы саясатындағы елеулі дата ретінде тарихта қалмақ. Мәскеуде Ұжымдық қауіпсіздік туралы шарт ұйымының (ҰҚШҰ) саммиті өтіп, оған қатысушылар Ереванның дауыс беру құқығынан айырған тұста Никол Пашинян ешкімге жалтақтамастан, жұмыс сапарымен Түркияға аттанды. Оның үстіне, сапары туралы Facebook-тегі төл парақшасында алдын ала хабарлап, бұл қадамын ашық жария етті.

Армения Үкіметінің басшысы Анталияда өткен БҰҰ Климаттың өзгеруі жөніндегі конвенциясы тараптарының 31-конференциясы (COP31) аясында мемлекет және үкімет басшыларының саммитіне қатысты. Сондай-ақ Түркия Президенті Режеп Тайип Ердоғанмен кездесті.

Келіссөздер барысында армян-түрік қарым-қатынасын қалыпқа келтіру, сауда-экономикалық байланыстарды жандандыру және TRIPP жобасын іске асыру арқылы өңірлік коммуникацияларға кедергілерді жою мәселелері талқыланды, деп жазды inbusiness.kz.

Айта кетерлігі, Қарабақта соғыс басталған 1990-жылдардан бері екі елдің басшылары бірде-бір рет жүздеспеген екен. Тек 2025 жылғы 20 маусымда Никол Пашинян Ыстамбұлға тарихи сапар жасап, Түркия Президенті Ердоғанмен алғаш рет кездесті. Осыдан кейін екі ел арасындағы байланыс жанданды, Армения көшбасшысының Түркияға барыс-келісі жиіледі. Осы сапар Ереванның Анкарамен диалогты жүйелі дамытуға ниетін тағы бір мәрте айғақтады.

Келесі күні, 12 қарашада, Пашинян Ирландия астанасы Дублинге жұмыс сапарымен барды. Мұнда ол Еуропалық саяси қоғамдастық (ЕСҚ) атты жаңа ұйымның IX саммитіне қатысып, Әзербайжан Президенті Ильхам Әлиевпен келіссөз жүргізді. Тараптар мемлекеттік шекараны жаңаша делимитациялау, көлік және транзиттік қатынас жолдарын ашу, сауда, энергетика және өзара сенімді нығайту шараларын пысықтады.

Кездесуде TRIPP жобасына айрықша назар аударылды. Тараптар теміржол және автомобиль инфрақұрылымын жобалау мәселелерін қарастырды. Бір ғажабы, 90-шы жылдардан жабық болған екі ел ортасындағы шекарадан – Әзербайжан аумағы арқылы Арменияға өткен жылдың қарашасынан бері 105 мың тонна жүк жеткізіліпті.

Осы арқылы Түркия, Әзербайжан және Грузия ортасында қысылған Армения қырық жылға жуықтаған экономикалық блокададан ақыры құтылғанға ұқсайды.

Осы күндері Ереван Вашингтонмен стратегиялық әріптестікті де ілгерілетуге күш салды. Армения Президенті Ваагн Хачатурян TRIPP жобасы жөніндегі негіздемелік келісімді ратификациялау туралы заңға қол қойды. Бұдан бөлек, 12 қарашада ел Парламенті TRIPP Development Company компаниясын құруға мүмкіндік беретін жаңа заңналамық түзетулерді қабылдады. Жаңа трансұлттық компаниядағы Арменияның үлесі 26%-ды, ал, АҚШ-тың үлесі 74%-ды құрайды.

TRIPP жобасы аясында Армения аумағында мультимодальды транзиттік инфрақұрылым салынады. Бұл инфрақұрылым Әзербайжанның негізгі аумағы мен оның Армения территориясындағы Нахчыван Автономиялық Республикасы арасындағы көлік қатынасын қамтамасыз етті, сондай-ақ өңірдегі транзиттік мүмкіндіктерді кеңейтуге тиіс. Жобаны армян-америкалық бірлескен TRIPP Development Company компаниясы жүзеге асырады.

Қазан айында Армения билігі жобаны нақты іске асыру кезеңіне көшкенін мәлімдеді. Бүгінде Сюник облысында теміржол, автомобиль жолдары мен энергетикалық инфрақұрылымның жобалық құжаттарын әзірлеуге дайындық жүргізілуде.

Пашинян ҰҚШҰ-ға оралудан бас тартты

Арменияның ҰҚШҰ-дан алшақтауы күні кешегі Мәскеу саммитінен әлдеқайда бұрын басталған еді. 2024 жылғы ақпанда Армения Премьер-министрі Никол Пашинян елдің ҰҚШҰ қызметіне қатысуын доғару туралы шешім қабылдағанын жариялады.

Оның түсіндіруінше, мұндай қадамға осы ұйымдағы одақтастардың Армения алдындағы міндеттемелерін орындамауы, соның ішінде 2021–2022 жылдары елдің егемен аумағында болған оқиғаларға ешқандай реакция білдірмеуі себеп болды.

Саясаттанушылар сол жылдары Таулы Карабах аумағын толық босатып, армян әскерилерін тықсырған әзербайжандық Қарулы күштердің тіпті Арменияның әлем мойындаған территориясына да дендей еніп кеткенін еске салды. ҰҚШҰ келісімі бойынша осы кезде ұйымға мүше елдер көмекке әскер жіберуге тиіс еді.

Алайда Мәскеу Ереваннан ондай сұрау түспегенін алға тартып, ақталады. Ресей тіпті Армения аумағындағы базаларда орналасқан әскерилерімен де көмекке келмеген.

Содан бері «бұртиған» Ереван әскери блок өткізетін іс-шараларға қатысудан бас тартып, отырыстарға өз өкілдерін жіберуді тоқтатты. Сондай-ақ ҰҚШҰ-ны қаржыландыруды доғарды. 2026 жылғы сәуірде Пашинян Арменияның ұйым жұмысына белсенді қатысуды қайта жандандыру үшін ешқандай қадам жасамайтынын тағы да растады.

Армения заң жүзінде ҰҚШҰ мүшесі болып қала бергенімен, елдің Сыртқы барлау қызметінің сыртқы қауіпсіздік қатерлеріне арналған биылғы баяндамасында республиканың ұйымдағы мүшелігін қайта жандандыру мүмкіндігі жоққа шығарылған. Бұл жайтқа newsarmenia.am басылымы назар аудартты.

Енді Армения басшылығы ҰҚШҰ-ға оралмауға тас бекінгендей. Ел көшбасшысы республиканың бұл ұйымға деген қызығушылығы түбегейлі сарқылғанын ашық мәлімдеді.


«ҰҚШҰ-ға мүшелікті сақтау мүдделі емеспіз, ынта-ықыласымыз толық таусылғанын біржола және түпкілікті түрде тіркеп қойса болады. Біз енді ҰҚШҰ-ға қайтуға мүдделі емеспіз!» – деп шорт кесті Пашинян.


Арменияның Сыртқы істер және халықаралық сауда министрі Арарат Мирзоян да Үкіметтің бұл ұстанымын қайта қарауға ниетті емесін мәлім етті.


«Біз бұл ұйымның жұмысына қатысуды әлдеқашан тоқтаттық, мүшелігімізді де доғардық. Ұстанымымызды өзгертпейміз және ҰҚШҰ-ға қайта оралу мүмкіндігін қарастырып жатқан жоқпыз», – деді министр Ереванда өткен баспасөз мәслихатында.


Айтпақшы, 23 қазанда ҰҚШҰ Бас хатшысы Таалатбек Масадыков та Арменияның ұйымнан іс жүзінде шығып кеткенін мәлімдеген болатын. Оның сөзін ТАСС агенттігі жариялады.


«Олар (Армения) біздің негізгі іс-шараларымызға, оқу-жаттығуларымызға және басқа да жиындарымызға қатыспайды. Меніңше, бұл жерде ұйым жарғысының 25-бабын қолдануға болады. Негізінде, олар ҰҚШҰ құрамынан іс жүзінде өздері-ақ шығып кетті», – деді ұйымның Бас хатшысы.


ҰҚШҰ Жарғысының 25-бабына сәйкес, мүше мемлекет мүшелік жарна бойынша қарызын өтемейінше, ұйымдағы лауазымдарға кандидаттар ұсыну құқығынан, сондай-ақ дауыс беру құқығынан айырылады.

11 қарашада, Мәскеу саммитінде дәл осы тетік іске қосылды. Ресей Президентінің баспасөз хатшысы Дмитрий Песковтың мәлімдеуінше, Армения дауыс беру және ұйымның жауапты қызметтеріне өз өкілдерін ұсыну құқығынан айырылды. Кремль бұл шешімді қаржылық себептермен түсіндірді: Армения осы ұйым бюджеті алдындағы берешегін 2 жылдан бері өтемеген.

Әйтсе де, Мәскеудегі саммитте Арменияны ҰҚШҰ құрамынан шығару мәселесі талқыланған жоқ. Ұйымның Бас хатшысы Таалатбек Масадыков берешегін өтеген жағдайда Ереванның толыққанды құқығы қалпына келетінін жеткізді. Мәскеу де Арменияның келісімдер аясындағы негізгі құқықтары сақталатынын мәлімдеді. Бірақ енді оған Ереванның өзі еш мүдделі емес көрінеді.

ҰҚШҰ-ның орнына Франция, Үндістан және АҚШ келе ме?

Бүгінде Армения төл қорғаныс саясатын түбегейлі түрде қайта құрып, әскери-техникалық ынтымақтастық бағыттарын әртараптандыруға көшті. Ереванның негізгі жаңа серіктестері қатарында Франция, Үндістан және АҚШ бар.

Армения Парижбен броньды техника мен радиолокациялық жүйелер жеткізу саласындағы байланыстарын нығайтты. Үндістаннан түрлі қару-жарақ сатып алу көлемін ұлғайтты. Сонымен қатар америкалық әскерилермен бірлескен оқу-жаттығулар өткізуде.

Бұған қоса, армян-әзербайжан шекарасында қайта қақтығыс болмауы үшін онда Еуропалық Одақтың ұзақ мерзімді бақылау миссиясы іске кірісті. Еуропа ол шекарада Кеңес заманынан бері тұрған Ресей әскерилерін ауыстырды.

Пашинян мұндай өзгерістерді жаңа заманға сай «көпқабатты қорғаныс жүйесін қалыптастыру» қажеттігімен түсіндірді. Ал, бұған дейін ҰҚШҰ-ға ғана сүйенген «бір қабатты қауіпсіздік моделін» ол «тым қарабайыр, примитивті» деп бағалады.


«Қауіпсіздік – көпқабатты құбылыс. Қауіпсіздік пен орнықтылықтың жан-жақты жүйесі бір ғана құрамдас бөліктен тұра алмайды. Әйтпесе, түптің түбінде оның дәрменсіз әрі өміршең емес екені анықталады. 2022 жылға дейін қолданыста болған қауіпсіздік формуласы қарабайыр, примитивті еді. Өйткені ол: «біздің қауіпсіздігімізді ҰҚШҰ қамтамасыз етеді» деген бір ғана тұжырымға негізделді», – деді Армения лидері.


Пашинянның мәліметінше, бұған дейін Арменияның ҰҚШҰ-ға мүше болуының өзі заманауи шетелдік қару-жарақты сатып алуға елеулі кедергі келтірген. Салдарынан Арменияның дамыған елдерден қару-жарақ алу мүмкіндігі барынша шектеліп келді. Тіпті республика жүздеген миллион доллар ақысын алдын ала аударғанымен, ақысы төленген сол әскери өнімдер жеткізілмеген жағдайлар да болыпты.

Қару-жарақ сатушылар батыстық технологиялар мен алгоритмдердің Мәскеу қолына өтіп кетуінен қауіптенген. Бұған қоса, сатып алынатын қарудың қандай мақсатта қолданылатынына да күмәнмен қараған.

Ахуал 2022 жылғы қазанда Армения мен Әзербайжан арасында бекітілген «Алматы декларациясының» негізінде бір-бірінің аумақтық тұтастығын мойындағаннан кейін өзгере бастады.


«Алматы келісімінен кейін бүгінде әлемдегі қару-жарақ нарықтарының барлығы Армения Республикасы үшін ашылды», – деді Пашинян. Ендігі жерде Ереван өзін ҰҚШҰ сияқты бір ғана әскери-саяси блокпен шектемей, қажетті технологиялар мен қару-жарақты әртүрлі жеткізушілерден, соның ішінде НАТО өкілдеріне де алуға ұмтылуда.


Бұл – Арменияның сыртқы және қорғаныс саясатындағы елеулі бетбұрыс. Бір кездері қауіпсіздігінің басты кепілі саналған Мәскеумен арадағы әскери-саяси байланыстары әлсіреді, енді Ереван Анкарамен, Бакумен және Вашингтонмен диалогын күшейтіп жатыр. Ал, Түркия мен Еуропаға сапар жаңа геосаяси бағыттың айқын көрінісіне айналды.
]]></content:encoded>
                <dc:creator xmlns:dc="http://purl.org/dc/elements/1.1/">Жанат Ардақ</dc:creator>
                <pubDate>Fri, 13 Nov 2026 14:58:00 +0500</pubDate>
                                    <enclosure  url="https://inbusiness.kz/uploads/2026-11/2QPN2zdo.png"   type="image/png"   length="1829404"  />
                            </item>
                    <item>
                <title><![CDATA[Жібек Құламбаева Колумбиядағы турнирдің жартылай финалына шықты]]></title>
                                <link>https://inbusiness.kz/kz/news/zhibek-kulambaeva-kolumbiyadagy-turnirdin-zhartylaj-finalyna-shykty</link>
                <guid isPermaLink="true">https://inbusiness.kz/kz/news/zhibek-kulambaeva-kolumbiyadagy-turnirdin-zhartylaj-finalyna-shykty</guid>
                <description>Отандасымыз жұптық сында бақ сынады.

 
</description>
                <content:encoded><![CDATA[Қазақстандық теннисші Жібек Құламбаева Колумбияның Сопо қаласында өтіп жатқан WTA 125 санатындағы турнирде жартылай финалға жолдама алды, деп хабарлайды inbusiness.kz сайты.

Отандасымыз жұптық сында словениялық Вероника Эрьявецпен бірге өнер көрсетіп жатыр.

Ширек финалда қазақстандық-словениялық жұп аустралиялық Теника Макгиффин мен Александра Осборнға қарсы ойнап, екі сетте де басым түсті. Кездесу 6:2, 6:2 есебімен аяқталды.

Енді финалға шығу үшін Құламбаева мен Эрьявец америкалық Рашида Макаду мен Анна Роджерске қарсы кортқа шығады. 
]]></content:encoded>
                <dc:creator xmlns:dc="http://purl.org/dc/elements/1.1/">Мейірім Бақытбек</dc:creator>
                <pubDate>Fri, 13 Nov 2026 13:27:00 +0500</pubDate>
                                    <enclosure  url="https://inbusiness.kz/uploads/2026-11/VkzrBSdT.jpg"   type="image/jpeg"   length="128930"  />
                            </item>
                    <item>
                <title><![CDATA[«20 миллион турист!»: Оңтүстік Кореяға келген шетелдік саяхатшылар саны рекордтық деңгейге жетті  ]]></title>
                                <link>https://inbusiness.kz/kz/news/20-million-turist-ontustik-koreyaga-kelgen-sheteldik-sayahatshylar-sany-rekordtyk-dengejge-zhetti</link>
                <guid isPermaLink="true">https://inbusiness.kz/kz/news/20-million-turist-ontustik-koreyaga-kelgen-sheteldik-sayahatshylar-sany-rekordtyk-dengejge-zhetti</guid>
                <description>Бұл туралы Yonhap агенттігі жазды.

 
</description>
                <content:encoded><![CDATA[Оңтүстік Кореяға келетін шетелдік туристердің саны биыл алғаш рет 20 миллионнан асқан, деп хабарлайды inbusiness.kz сайты.

Оңтүстік Кореяның мәдениет, спорт және туризм министрінің екінші орынбасары Ким Дэ Хён Сеулдің негізгі қақпасы – Инчхон халықаралық әуежайына барып, 20 миллионыншы шетелдік туристі қарсы алған.

Оңтүстік Кореяға 2012 жылы 10 миллион шетелдік турист келген еді. Сол көрсеткішті екі есеге арттыру үшін елге 14 жыл қажет болып отыр.

Келушілердің рекордтық саны бірнеше факторға байланысты. Дегенімен, Оңтүстік Корея поп-мәдениетінің жаһандық деңгейде танымал болуы және елдің шетелдік туристерге деген қонақжайлылығы басты себеп болып отыр.

Елдің мәдениет, спорт және туризм министрі Чэ Хви Ён бұл жетістік Оңтүстік Кореяның «негізгі туризм державасына» айналу жолындағы «бастапқы қадамы» болатынын мәлімдеді.
]]></content:encoded>
                <dc:creator xmlns:dc="http://purl.org/dc/elements/1.1/">Рыскелді Сәрсенұлы</dc:creator>
                <pubDate>Fri, 13 Nov 2026 11:17:00 +0500</pubDate>
                                    <enclosure  url="https://inbusiness.kz/uploads/2026-11/RX5PEHjZ.jpg"   type="image/jpeg"   length="224142"  />
                            </item>
                    <item>
                <title><![CDATA[Бибарыс Әшірбай жасөспірімдер Олимпиадасында күміс медаль жеңіп алды]]></title>
                                <link>https://inbusiness.kz/kz/news/bibarys-ashirbaj-zhasospirimder-olimpiadasynda-kumis-medal-zhenip-aldy</link>
                <guid isPermaLink="true">https://inbusiness.kz/kz/news/bibarys-ashirbaj-zhasospirimder-olimpiadasynda-kumis-medal-zhenip-aldy</guid>
                <description>Ұлттық құраманың қоржынында екі алтын, екі күміс, үш қола медаль бар.

 
</description>
                <content:encoded><![CDATA[Қазақстандық боксшы Бибарыс Әшірбай Дакарда (Сенегал) өтіп жатқан жасөспірімдер Олимпиадасының күміс жүлдегері атанды, деп хабарлайды inbusiness.kz сайты.

70 келіге дейінгі салмақ дәрежесінде өнер көрсеткен отандасымыз финалда Ұлыбритания өкілі Майкл Моэнмен кездесті.

Жекпе-жек барысында британдық боксшы басымдық танытып, төрешілер шешімімен 4:1 есебімен жеңіске жетті. Осылайша Бибарыс Әшірбай жарысты екінші орынмен аяқтады.

Бұл – Қазақстан құрамасының жасөспірімдер Олимпиадасындағы екінші күміс медалі. Бұған дейін Ақнұр Тұрсынғали (57 келі) күміс жүлдеге ие болған еді.

Осылайша, ұлттық құраманың қоржынында жеті медаль бар. Оның ішінде екі алтын, екі күміс және үш қола жүлде бар.

Бұған дейін дзюдошы Фатима Сұпығалиева (52 келі) мен велошабандоз Әнел Тәшбай алтын медаль жеңіп алса, таеквондошы Любовь Юн (63 келіден жоғары), триатлоншы Рамазан Әйнегов және боксшы Марал Төлепберген (54 келіге дейін) қола жүлдегер атанған. 
]]></content:encoded>
                <dc:creator xmlns:dc="http://purl.org/dc/elements/1.1/">Мейірім Бақытбек</dc:creator>
                <pubDate>Fri, 13 Nov 2026 10:58:00 +0500</pubDate>
                                    <enclosure  url="https://inbusiness.kz/uploads/2026-11/yJYDSuXz.jpeg"   type="image/jpeg"   length="386878"  />
                            </item>
                    <item>
                <title><![CDATA[«Аңыздың орнын аңыз басады»: Трамп Nvidia басшылығына Тим Кукты ұсынды]]></title>
                                <link>https://inbusiness.kz/kz/news/anyzdyn-ornyn-anyz-basady-tramp-nvidia-basshylygyna-tim-kukty-usyndy</link>
                <guid isPermaLink="true">https://inbusiness.kz/kz/news/anyzdyn-ornyn-anyz-basady-tramp-nvidia-basshylygyna-tim-kukty-usyndy</guid>
                <description>Ақ үй басшысы бұл туралы Truth Social желісінде жазды. 
</description>
                <content:encoded><![CDATA[АҚШ президенті Дональд Трамп америкалық Apple корпорациясының директорлар кеңесінің төрағасы, бұрынғы бас директоры Тим Кукты Nvidia компаниясының басшысы етуді ұсынды, деп хабарлайды inbusiness.kz сайты.


«Табысты еңбек еткен Nvidia-ның бас директоры Дженсен Хуанг отставкаға кеткеннен кейін, оның орнын баса алатын жалғыз ғана адам бар, ол – Apple компаниясындағы Тим Кук. Аңыздың орнын аңыз басады», – деп жазды Трамп Truth Social желісінде. 


Бейсенбі күні Хуанг Nvidia бас директоры қызметінен кетіп, директорлар кеңесінің құрамынан шықты. Бас директордың міндетін компанияның вице-президенті әрі қаржы директоры Колетт Кресс уақытша атқарады. Ол тұрақты басшы тағайындалғанға дейін бұрынғы лауазымдарын да сақтап қалды. Бұған дейін Nvidia компаниясы Хуангпен байланысты ақпараттардан кейін тәуелсіз тергеу басталғанын жариялаған болатын. 

66 жастағы Тим Кук – америкалық топ-менеджер, миллиардер әрі Apple компаниясының директорлар кеңесінің төрағасы әрі бұрынғы бас директоры.

Айта кету керек, бұған дейін NVIDIA басшысы Дженсен Хуанг қызметінен кеткенін жазғанбыз.
]]></content:encoded>
                <dc:creator xmlns:dc="http://purl.org/dc/elements/1.1/">Балжан Смаилова</dc:creator>
                <pubDate>Fri, 13 Nov 2026 10:38:00 +0500</pubDate>
                                    <enclosure  url="https://inbusiness.kz/uploads/2026-11/r1psVs92.jpeg"   type="image/jpeg"   length="95375"  />
                            </item>
                    <item>
                <title><![CDATA[Mercedes-Benz Германиядағы зауыттарын жабуы мүмкін]]></title>
                                <link>https://inbusiness.kz/kz/news/mercedes-benz-germaniyadagy-zauyttaryn-zhabuy-mumkin</link>
                <guid isPermaLink="true">https://inbusiness.kz/kz/news/mercedes-benz-germaniyadagy-zauyttaryn-zhabuy-mumkin</guid>
                <description>Mercedes-Benz компаниясы Германиядағы зауыттарға бағытталатын алдағы инвестицияларды уақытша тоқтату туралы шешім қабылдады.  
</description>
                <content:encoded><![CDATA[Енді өндіріс орындарын жабу мәселесі де күн тәртібінде қаралады, деп хабарлайды inbusiness.kz сайты Euronews-ке сілтеме жасап. 

Компанияның еңбек қатынастары жөніндегі директоры Бритта Зигер бұл қадамды шығындардың артуынан туындаған күрделі ахуалмен түсіндірді. Енді концерн елдегі өндіріс орындарының ұзақ мерзімді перспективадағы тиімділігін талдауы тиіс. Оның айтуынша, Mercedes зауыттардың жабылуына жол бермеуге бар күшін салады, алайда бұл нұсқаны енді қарастыруға тура келіп отыр.

Даудың негізгі себебі – өндіріс шығындары. Mercedes компаниясының дерегінше, Германиядағы зауыттарда бір сағаттық жұмыс құны Шығыс Еуропадағы кәсіпорындармен салыстырғанда бес есе қымбатқа түседі. Сондықтан басшылық еңбек жағдайларына қатысты жеңілдіктер жасауды талап етіп отыр. Талқыланып жатқан ұсыныстардың бірі – жалақыны өсірмей, жұмыс уақытын ұзарту.

Бұдан бірнеше апта бұрын компанияның өндіріс басшысы Михаэль Шибе шығындар қысқартылмаса, Германиядағы екі зауыттың жабылуы мүмкін екенін ескерткен болатын. Қазіргі жоспарларға сәйкес, бұл шектеу бір құрастыру зауытына және көлік бөлшектерін шығаратын зауытқа қатысты болып отыр.

Компанияның Зиндельфинген, Растатт және Бремен қалаларында құрастыру кәсіпорындары бар. Ал компоненттер өндіретін алаңдар қатарына Штутгарт-Унтертюркхайм, Аффальтербах, Берлин, Гамбург, Каменц және Тюрингиядағы нысандар кіреді.
]]></content:encoded>
                <dc:creator xmlns:dc="http://purl.org/dc/elements/1.1/">Балжан Смаилова</dc:creator>
                <pubDate>Fri, 13 Nov 2026 10:09:00 +0500</pubDate>
                                    <enclosure  url="https://inbusiness.kz/uploads/2026-11/4E1uapKl.jpg"   type="image/jpeg"   length="193859"  />
                            </item>
                    <item>
                <title><![CDATA[Дональд Трамп: «Куба мәселесін шешкім келеді»]]></title>
                                <link>https://inbusiness.kz/kz/news/donald-tramp-kuba-maselesin-sheshkim-keledi</link>
                <guid isPermaLink="true">https://inbusiness.kz/kz/news/donald-tramp-kuba-maselesin-sheshkim-keledi</guid>
                <description>АҚШ президенті Ақ үйдегі өкілеттік мерзімі аяқталғанға дейін осы мәселені біржақты етуді көздейді. 

 
</description>
                <content:encoded><![CDATA[Ол Куба мемлекетіне қарсы әскери күш қолдану мүмкіндігін қарастыратынын айтты, деп хабарлайды inbusiness.kz сайты.  

Трамп бұл туралы Salem News Channel телеарнасына берген сұхбатында айтқан. Одан «президенттік мерзімі аяқталғанға дейін Кубаға қарсы әскери операция жүргізуге рұқсат бере ме?» деп сұраған.


– Мен қызметімнен кетпей тұрып Куба мәселесін шешкім келеді, – деді АҚШ президенті.


Ол Вашингтонның аралдағы жағдайды жіті бақылап отырғанын атап өтті. 


– Біз ондағы жағдайды мұқият қадағалап отырмыз. Елдің жағдайы өте нашар. Негізінен, бұл – сәтсіздікке ұшыраған мемлекет, – деді Трамп.


Сонымен қатар, ол ата-анасы Кубадан шыққан АҚШ Мемлекеттік хатшысы Марко Рубионы мақтаған. Трамптың сөзінше, Рубио да Куба мәселесін шешуге тырысады.


– Мен мұны сол елден Америкаға келіп, кезінде қатты қиындық көрген кубалықтардың игілігі үшін жасағым келеді, – деді ол.


АҚШ президенті Кубаға қарсы әскери күш қолдану мүмкіндігін де жоққа шығармады.
]]></content:encoded>
                <dc:creator xmlns:dc="http://purl.org/dc/elements/1.1/">Рыскелді Сәрсенұлы</dc:creator>
                <pubDate>Fri, 13 Nov 2026 10:00:00 +0500</pubDate>
                                    <enclosure  url="https://inbusiness.kz/uploads/2026-11/UTZ1Hbi4.jpg"   type="image/jpeg"   length="187137"  />
                            </item>
                    <item>
                <title><![CDATA[Ақнұр Тұрсынғали жасөспірімдер Олимпиадасының күміс жүлдегері атанды]]></title>
                                <link>https://inbusiness.kz/kz/news/aknur-tursyngali-zhasospirimder-olimpiadasynyn-kumis-zhuldegeri-atandy</link>
                <guid isPermaLink="true">https://inbusiness.kz/kz/news/aknur-tursyngali-zhasospirimder-olimpiadasynyn-kumis-zhuldegeri-atandy</guid>
                <description>Ол алғашқы раундта қарсыласынан басым түсті.

 
</description>
                <content:encoded><![CDATA[Қазақстандық боксшы Ақнұр Тұрсынғали Дакарда (Сенегал) өтіп жатқан жасөспірімдер Олимпиадасында күміс медаль жеңіп алды, деп хабарлайды inbusiness.kz сайты.

57 келіге дейінгі салмақ дәрежесінде өнер көрсеткен отандасымыз финалда Бразилия өкілі Сара Кампоспен кездесті.

Жекпе-жектің алғашқы раундында Ақнұр басымдық танытты. Алайда екінші және үшінші раундтарда бразилиялық боксшы басым түсіп, 4:1 есебімен жеңіске жетті.

Осылайша, Ақнұр Тұрсынғали жарысты күміс жүлдемен аяқтады.

Айта кетейік, осы жеңістен кейін Қазақстан құрамасының еншісінде алты медаль бар. Бұған дейін дзюдошы Фатима Сұпығалиева (52 келіге дейін) мен велошабандоз Әнел Тәшбай алтын медаль иеленсе, таеквондошы Любовь Юн (63 келіден жоғары), триатлоншы Рамазан Әйнегов және боксшы Марал Төлепберген (54 келіге дейін) қола жүлдеге қол жеткізген еді. 
]]></content:encoded>
                <dc:creator xmlns:dc="http://purl.org/dc/elements/1.1/">Мейірім Бақытбек</dc:creator>
                <pubDate>Fri, 13 Nov 2026 09:30:00 +0500</pubDate>
                                    <enclosure  url="https://inbusiness.kz/uploads/2026-11/KRdrIhsN.jpeg"   type="image/jpeg"   length="337123"  />
                            </item>
                    <item>
                <title><![CDATA[Пациенттердің арасында салмағы 500 граммға да жетпейтін сәбилер бар: 6 елдің неонатологтары өз жұмысы туралы әңгімеледі]]></title>
                                <link>https://inbusiness.kz/kz/news/pacientterdin-arasynda-salmagy-500-grammga-da-zhetpejtin-sabiler-bar-6-eldin-neonatologtary-oz-zhumysy-turaly-angimeledi</link>
                <guid isPermaLink="true">https://inbusiness.kz/kz/news/pacientterdin-arasynda-salmagy-500-grammga-da-zhetpejtin-sabiler-bar-6-eldin-neonatologtary-oz-zhumysy-turaly-angimeledi</guid>
                <description>15 қарашада әлемде Дүниежүзілік шала туған балалар күні атап өтіледі. 
</description>
                <content:encoded><![CDATA[Бұл – жарық дүниеге асығып, жүктіліктің 37-аптасына жетпей өмір есігін ашқан сәбилердің күні, деп хабарлайды inbusiness.kz сайты.

Бүгінде дәрігерлер салмағы 500 грамға да жетпейтін нәрестелерді аман алып қалып, күтіп-баптап өсіріп жатыр. Олардың көпшілігі дені сау болып ержетеді. Біз Қытай, Түркия, Ирландия, Катар, Қырғызстан және Қазақстанның жетекші неонатологтарымен әңгімелесіп, сәбиінің сауығып, анасымен бірге үйіне оралатын бақытты күнінің артында қаншама қажырлы еңбек жатқанын білдік.

Хань Тунъянь, Қытай: салмағы 450 грамдық сәбиді аман алып қалу бүгінде мүмкін

Соңғы 15 жылда Қытайдың неонатология қызметі қарқынды дамыды. Егер 2010 жылы қытайлық дәрігерлер жүктіліктің 28-аптасында дүниеге келген нәрестелерді күтіп-баптап өсіре алса, бүгінде 26, тіпті 23-аптада туған сәбилердің де өмірін сақтап қалуға мүмкіндік бар.

Пекин университетінің Үшінші ауруханасы (Peking University Third Hospital) педиатрия бөлімінің меңгерушісі, профессор Хань Тунъяньның (Tongyan Han) айтуынша, бұл жетістіктердің артында орасан зор еңбек жатыр. Аталған аурухананың жаңа туған нәрестелерді реанимациялау және қарқынды терапия бөліміне жыл сайын 2000-нан астам сәби түседі. Олардың басым бөлігі – шала туған балалар.

Профессордың есінде ерекше сақталған жағдайлардың бірі – жүктіліктің 23-аптасында небәрі 450 грамм салмақпен дүниеге келген сәби. Қазір ол екі жасқа толды, денсаулығы жақсы.


«Мерзімінен бұрын босанған, қазір осы мақаланы оқып отырып, сәбиінің денсаулығына алаңдап отырған барлық аналарға айтарым: балаларыңыздың дені сау болып өсуіне үлкен мүмкіндік бар. Ал сіздердің махаббаттарыңыз бен қолдауларыңыз оларға зор күш береді», – дейді профессор Хань Тунъянь.




Өмер Эрдеве, Түркия: Түркияда ана мен жаңа туған сәбиге алтын сыйлайды

Анкара университетінің медицина факультетіне қарасты балалар ауруханасының жаңа туған нәрестелерді реанимациялау және қарқынды терапия бөлімі күрделіліктің ең жоғары – IV деңгейіне жатады. Мұнда жағдайы аса ауыр сәбилер жеткізіледі. Олардың арасында ата-анасы 15-20 жыл бойы асыға күткен, бірақ мерзімінен бұрын дүниеге келген нәрестелер де аз емес.

Осы ауруханада педиатрия және неонатология профессоры Өмер Эрдеве (Ömer Erdeve) еңбек етеді.


«Түркия, Гамбия, Әзербайжан, Лаос және Мозамбикте жұмыс істеген жылдарымда мыңнан астам сәбиді аман алып, күтіп-баптап өсірдім. Олардың әрқайсысы – өз отбасы үшін дүниедегі ең қымбат жан. Осындай кішкентай нәрестені аман алып қалып, бақытты ата-анасының қолына «Міне, сәбиіңіз!» деп табыстаған сәттегі сезімді сөзбен жеткізу мүмкін емес. Неонатологияда еңбек етуге дәл осындай сәттер үшін тұрарлық. Менің 22 жыл бұрын осы мамандықты таңдауымның себебі де осы», – деп еске алады профессор Эрдеве.




Соңғы екі жылда профессор Эрдеве өз жұмысында жасанды интеллектіні пайдаланып келеді. Реанимация бөліміндегі медициналық құрылғылар нәрестенің жағдайы туралы деректерді үздіксіз тіркейді, ал жасанды интеллект оларды жылдам талдайды. Соның арқасында дәрігер емдеуді ертерек бастай алады.

Дегенмен профессордың пікірінше, шала туған сәби үшін ең маңыздысы технология емес, отбасының қолдауы. Сондықтан оның ауруханасында нәресте күтіміне отбасының барлық мүшесін барынша қатыстыруға тырысады. Дәрігердің айтуынша, жақындарының сүйіспеншілігі мен қамқорлығы баланың жүйке жүйесінің дамуы үшін аса маңызды.


«Жұбайлары мерзімінен бұрын босанған ер азаматтарға айтарым: әйелдеріңізге қолдау көрсетіп, сәби күтіміне белсенді қатысыңыздар. Түркияда әдемі дәстүр бар: бала дүниеге келгенде анасы мен нәрестеге киімдеріне қадап, алтын теңгелер сыйлайды. Қазақстанда мұндай дәстүр бар-жоғын білмеймін, бірақ бұл – жаңа өмірге деген ризашылық пен қолдаудың тамаша белгісі», – деп түйіндеді Өмер Эрдеве.


Рой Филип, Ирландия: ана сүті – емнің маңызды бөлігі

Неонатология саласында отыз жыл еңбек еткен профессор Рой К. Филип (Roy K. Philip) Үндістанда, Ұлыбританияда және Ирландияда жұмыс істеп, осы елдерде шала туған балаларға көрсетілетін медициналық көмектің қалай жетілгеніне куә болды.

Алайда ол ең маңызды жаңалық деп басқа жетістікті атайды: әлемдік медицина қауымдастығы ана сүтін шала туған нәрестелерге көрсетілетін қарқынды терапияның толыққанды құрамдас бөлігі ретінде мойындады.


«Ана сүтінің құрамында пайдалы бактериялар, сәбидің иммундық жүйесін іске қосатын заттар, гормондар, тіпті дің жасушалары бар. Әзірге ешбір жасанды сүт қоспасы осы құрамды толық қайталай алмайды. Ана сүті баланы инфекциялардан қорғайды, болашақта семіздікке шалдығу қаупін азайтады, ал шала туған нәрестелерді ішектің қауіпті зақымдануы – некроздық энтероколиттен сақтауға көмектеседі», – деп түсіндіреді профессор Филип.




Ирландияда емшек сүтімен қоректендіруді қолдауға арналған мемлекеттік бағдарламалар 20 жылдан бері жұмыс істейді. Егер шала туған нәрестенің анасының сүті жеткіліксіз болса, сәби донорлық ана сүтін ала алады.


«Ирландияда донорлық ана сүтінің банкі бар. Елдің түкпір-түкпіріндегі аналар өз сүтінің артығын басқа шала туған сәбилер үшін тегін тапсырады. Бұл сүт пастерленіп, ауруханаларға жеткізіледі. Қазір еліміздегі барлық шала туған нәрестені донорлық сүтпен қамтамасыз етуге мүмкіндік бар. Демек, осы керемет әйелдер де дәрігерлермен бірге мерзімінен бұрын дүниеге келген балалардың өмірін сақтап қалуға үлес қосып жүр», – дейді ол мақтанышпен.


Самир Гупта, Катар: ең бастысы – зиян келтірмеу

Сәби мерзімінен бұрын дүниеге келгенде, алаңдаулы ана дәрі-дәрмек пен емшара неғұрлым көп жасалса, баласы соғұрлым тезірек күш жинайды деп ойлауы мүмкін. Бірақ бұл шынымен солай ма?

Шала туған нәрестелерді күтіп-баптаумен 30 жылдан астам уақыт айналысып келе жатқан профессор Самир Гупта дер кезінде емдеу қаншалықты маңызды болса, қажетсіз медициналық араласудан бас тарту да соншалықты маңызды екенін жақсы біледі.

Қазір ол Дохадағы Sidra Medicine медициналық орталығының неонатология бөлімін басқарады. Мұнда жүктіліктің 22-23-аптасында дүниеге келген, салмағы 500 грамға да жетпейтін нәрестелерді күтіп-баптап өсіреді.


«Ең кішкентай сәбилерге көмектесу үшін жаңа туған нәресте ағзасының қалай жұмыс істейтінін терең түсіну, баланы дер кезінде тексеру және медициналық араласуды тек шынымен қажет болған жағдайда ғана жүргізу керек. Біздің жұмысымыздағы басты қағида – зиян келтірмеу», – деп түсіндіреді профессор.




Бұл ұстаным профессор Гуптаның өзі жетекшілік еткен көпжылдық Baby-OSCAR зерттеуінде де расталды.

Зерттеуге жүктіліктің 23–28-аптасында дүниеге келген 653 сәби қатысты. Олардың барлығында туғаннан кейін жүрек маңындағы қан тамыры – артериялық түтік ашық күйінде қалған.

Бұрын дәрігерлер бұл түтікті дәрі-дәрмекпен тезірек жабуға тырысатын. Өйткені ол ашық қалса, нәрестенің өкпесі, ішегі мен миы зақымдануы мүмкін деп есептелді.

Алайда зерттеу өмірінің алғашқы күндерінде берілген дәрінің баланың өмір сүру мүмкіндігіне де, болашақтағы денсаулығына да әсер етпейтінін көрсетті. Оның үстіне көптеген нәрестеде бұл қан тамыры уақыт өте өздігінен жабылады.

Сондықтан бүгінде профессор баланың жүрек жағдайын ультрадыбыстық зерттеу арқылы мұқият бақылап, емдеуді тек асқынулар пайда болған жағдайда ғана бастауды ұсынады.

Кейде сәбиге күш жинау үшін бәрінен бұрын уақыт қажет.

Сагынбу Абдувалиева, Қырғызстан: сәби өмірін сақтап қалуға тау да кедергі емес

Елестетіп көріңізші: сәби қыста жол қатынасы қиындайтын таулы ауылда мерзімінен бұрын дүниеге келді.

Аумағының басым бөлігін таулар алып жатқан Қырғызстан дәрігерлері үшін мұндай нәрестелерге көмек көрсету – күнделікті жұмыстың бір бөлігі.

Бүгінде жаңа туған сәбилер ауруханаларға жерүсті көлігімен және санитариялық авиация арқылы жеткізіледі. Ал болашақта елде жаңа туған нәрестелерге арналған арнайы реанимациялық-көлік қызметін құру жоспарланып отыр. Бұл қызмет одан да көп сәбидің өмірін сақтап қалуға мүмкіндік береді деген үміт бар.

Қиындықтарға қарамастан, Қырғызстанда неонаталдық өлім-жітім біртіндеп төмендеп келеді.


«Өкінішке қарай, біздің көрсеткішіміз әзірге Орталық Азиядағы ең жоғары көрсеткіштердің бірі болып отыр», – дейді Қырғызстанның штаттан тыс бас неонатологы Сагынбу Абдувалиева.




Оның айтуынша, соңғы жылдары Қырғызстандағы дәрігерлер мен мейіргерлер жаңа туған нәрестелерді күтіп-баптаудың тиімділігі дәлелденген әдістеріне негізделген бірыңғай клиникалық хаттамаларға көшіп жатыр.

Мақсат – сәби қай жерде, ел астанасында ма, әлде шалғайдағы таулы ауданда ма, дүниеге келсе де, оған бірдей заманауи стандарттарға сай медициналық көмек көрсету.

Алайда кез келген клиникалық хаттаманың артында адамдар тұр. Олар – бүкіл ел бойынша нәрестелердің өмірін сақтап қалуды жай ғана жұмыс емес, өмірлік мұрат деп білетін дәрігерлер мен мейіргерлер.

Сагынбу Абдувалиева бұл мамандықтың өз жолы екенін мектеп қабырғасында жүргенде-ақ түсінген. Бірде ол перзентханада жұмыс істейтін әпкесінің кезекшілігіне бірге барған.


«Сәбидің дүниеге келуі, ата-ананың қуанышы, әпкем мен бүкіл медицина қызметкерлерінің аналар мен жаңа туған нәрестелерге деген ерекше қамқорлығы маған қатты әсер етті. Сол кезде өмірімді ең кішкентай пациенттерге көмектесуге арнаймын деп нық шештім», – деп еске алады ол.


Осы сезімді ол жылдар бойы жүрегінде сақтап келеді. Бүгінде жас әріптестеріне ең басты құндылықтарды ұмытпауға кеңес береді:

«Сәбилерді, адамдарды жақсы көріп, оларға көмектесу керек. Үнемі кәсіби тұрғыдан дамуға ұмтылу қажет, өйткені кемелденудің шегі жоқ».

Бектұрған Кәрін, Қазақстан: 23 промилледен 3 промиллеге дейін – бұл әлі шек емес

Соңғы жылдары қазақстандық дәрігерлердің салмағы небәрі 500 грамм болатын тағы бір сәбиді аман алып қалғаны туралы жаңалықтар жиі жарияланып жүр. Ал осыдан көп уақыт өтпей-ақ мұндай балалардың өмірін сақтап қалу мүмкін емес сияқты көрінетін.

Шала туған нәрестелер қажетті температура мен ылғалдылық сақталатын шағын жылы үйшіктер – кувездерде өсіп-жетіледі. Өздігінен тыныс алуы қиындаған кезде неонатологтар оларды өкпені жасанды желдету аппараттарына қосады. Ал күрделі операциялардан кейін балалар хирургтерімен бірлесіп, сәбилердің сауығып кетуіне көмектеседі.

Ең маңыздысы – мұндай медициналық көмек балаларға өз өңірінде барған сайын қолжетімді болып келеді.

Мәселен, 2025 жылы AYALA қайырымдылық қоры мен «Теңізшевройл» компаниясының қолдауымен Атырау облыстық перинаталдық орталығында неонаталдық хирургия бөлімі ашылды.

Бұрын шұғыл операция қажет болған жаңа туған нәрестелерді басқа ауруханаларға, тіпті елордаға жеткізуге тура келетін. Осылайша қымбат уақыт жоғалатын. Енді дәрігерлер сәбилердің өмірін өз өңірінде сақтап қала алады.

Бөлім ашылған алғашқы күндердің өзінде жүктіліктің 31-аптасында дүниеге келген нәрестенің жүрегіне операция жасалды.


«1990-жылдардың басында дүниеге келген әр мың нәрестенің 23-і бір айға жетпей шетінеп кететін. Бүгінде бұл көрсеткіш мың нәрестеге шаққанда үш жағдайға дейін төмендеді. Дәрігерлер мұны 3 промилле деп атайды. Бұл – Орталық Азиядағы ең төмен көрсеткіш. Бірақ біз қол жеткізген нәтижемен шектелмейміз. Мақсатымыз – Еуропаның дамыған елдеріндегідей неонаталдық өлім-жітімді 1-2 промиллеге дейін төмендету», – дейді Қазақстанның штаттан тыс бас неонатологы Бектұрған Кәрін.




Қазақстанда шамамен 700 неонатолог жұмыс істейді. Осындай шағын кәсіби қауымдастық үшін тәжірибе алмасу мен біліктілікті үздіксіз арттырудың маңызы ерекше.

Бұл бағыттағы жұмысқа елдегі неонатология саласына маманданған жалғыз қайырымдылық ұйымы – AYALA қоры да өз үлесін қосып келеді.

AYALA қоры: 19 жылда 250 мың баланың өмірін сақтап қалуға үлес қосты

Шала туған нәрестелерді күтіп-баптап өсіру үшін екі маңызды шарт қажет: заманауи медициналық жабдық және сол жабдықпен жұмыс істей алатын білікті мамандар командасы.

AYALA қайырымдылық қоры 19 жылдан бері Қазақстанда осы екі бағыттың дамуына үлес қосып келеді.

Қордың қолдауымен жаңа туған нәрестелерге арналған 68 реанимация және қарқынды терапия бөлімі жабдықталды. Қор табыстаған медициналық жабдықтардың көмегімен дәрігерлер 250 мың баланың өмірін сақтап қалды. Ал қордың білім беру бағдарламалары әртүрлі мамандықтағы 4,8 мыңнан астам дәрігер мен мейіргерді қамтыды.


«Неонатологтар сәбиді бұл дүниеде алғаш қарсы алып, оның алғашқы тынысын алуына аялай көмектеседі. Олардың еңбегі сырт көзге әрдайым байқала бермейді. Алайда мыңдаған баланың аман қалған өмірінің артында осы мамандардың күнделікті тынымсыз еңбегі жатыр.

Дүниежүзілік шала туған балалар күнінде әрбір неонатолог пен мейіргерге ең кішкентай пациенттерге арнаған төзімі, білімі және мейірімі үшін алғыс айтқым келеді.

Сондай-ақ сәбиі жарық дүниеге асығып, мерзімінен бұрын туған барлық ата-ананы құттықтаймын. Сіздер де, балаларыңыз да үлкен сынақтан өттіңіздер. Сондықтан бұл күн сіздерге де толықтай тиесілі», – дейді AYALA қайырымдылық қорының негізін қалаушы және президенті Айдан Сүлейменова.



]]></content:encoded>
                <dc:creator xmlns:dc="http://purl.org/dc/elements/1.1/">Гүлайым Аманқос</dc:creator>
                <pubDate>Fri, 13 Nov 2026 09:00:00 +0500</pubDate>
                                    <enclosure  url="https://inbusiness.kz/uploads/2026-11/CgZIAJif.jpeg"   type="image/jpeg"   length="272961"  />
                            </item>
                    <item>
                <title><![CDATA[Ескі видео дүрбелең туғызды: Қорғаныс министрлігі есінен танған сарбазға қатысты мәлімдеме жасады ]]></title>
                                <link>https://inbusiness.kz/kz/news/eski-video-kajta-durbelen-tugyzdy-korganys-ministrligi-sarbazga-katysty-malimdeme-zhasady</link>
                <guid isPermaLink="true">https://inbusiness.kz/kz/news/eski-video-kajta-durbelen-tugyzdy-korganys-ministrligi-sarbazga-katysty-malimdeme-zhasady</guid>
                <description>Жауапты министрлік әлеуметтік желіде қайта тараған сарбаздың жағдайына қатысты видеоның 2024 жылы түсірілгенін хабарлады.

 
</description>
                <content:encoded><![CDATA[Бұл туралы inbusiness.kz сайты Қорғаныс министрлігіне сілтеме жасап жазады.


– Әлеуметтік желілерде әскери ант қабылдау рәсімі кезінде сарбаздың басы айналып, өзін жайсыз сезінген сәті түсірілген бейнежазба қайтадан таралып жатыр. Алайда бұл оқиға биыл емес, 2024 жылы Аягөз гарнизонында болған, – деп хабарлады ведомстводан.


Қорғаныс министрлігінің мәліметінше, «сарбаздың жағдайы қатты толқығандықтан нашарлаған. Оның денсаулығына қауіп төнбеген. Медициналық көмек дер кезінде және толық көлемде көрсетілген».

JAQ.Ortcom Жалған ақпаратқа қарсы іс-қимыл орталығына белгілі болғандай, аталған әскери қызметші мерзімді әскери қызметін толық өтеп, кейін запасқа шығарылған.

Демек, қазір әлеуметтік желілерде таралып жатқан бейнежазба қазіргі жағдайға қатысты емес. Оқиғаның болған уақыты мен мән-жайын көрсетпей, архивтік кадрларды қайта жариялау аудиторияны жаңылыстырып, қоғамда негізсіз алаңдаушылық туғызуы мүмкін.


– Орталық блогерлер мен жаңалықтар пабликтерін ақпарат таратқанда жауапкершілік танытып, жарияланатын мәліметтердің шынайылығына көз жеткізуге шақырады. Көрінеу жалған ақпаратты қасақана тарату заңнамаға сәйкес құқықтық жауапкершілікке әкеп соғуы мүмкін, – деп ескертті министрліктен.

]]></content:encoded>
                <dc:creator xmlns:dc="http://purl.org/dc/elements/1.1/">Әсем Қабылбекова</dc:creator>
                <pubDate>Fri, 13 Nov 2026 08:46:00 +0500</pubDate>
                                    <enclosure  url="https://inbusiness.kz/uploads/2026-11/Lk1yWOGx.jpg"   type="image/jpeg"   length="30453"  />
                            </item>
                    <item>
                <title><![CDATA[Астана әкімі LRT-ның екінші кезеңі қашан іске қосылатынын айтты]]></title>
                                <link>https://inbusiness.kz/kz/news/astana-akimi-lrt-nyn-ekinshi-kezeni-kashan-iske-kosylatynyn-ajtty</link>
                <guid isPermaLink="true">https://inbusiness.kz/kz/news/astana-akimi-lrt-nyn-ekinshi-kezeni-kashan-iske-kosylatynyn-ajtty</guid>
                <description>Бұл туралы Астана қаласының әкімі Жеңіс Қасымбек мәлімдеді. 

 
</description>
                <content:encoded><![CDATA[Астанада 2027 жылдың соңына дейін Tarlan Astana жеңіл рельсті көлік желісінің Қосшы бағытындағы екінші бөлігінің құрылысы аяқталып, іске қосылады. Осы жұмыстарға байланысты елорданың бірнеше көшесінде уақытша көлік қозғалысына шектеу қойылады. Бұл туралы қала әкімі Жеңіс Қасымбек әлеуметтік желіде жазды, деп хабарлайды inbusiness.kz сайты.

Әкім Tarlan Astana жеңіл рельсті көлік желісінің Қосшы қаласына қарай бағытталған екінші кезеңінің құрылысы қарқынды жүріп жатқанын, оны келесі жылдың соңында аяқтау жоспарланып отырғанын айтты.


– Қазіргі уақытта қала тұрғындарынан Tarlan Astana желісінің екінші кезеңінің құрылысына, нақтырақ айтқанда, Айтматов, Сығанақ көшелері мен Тұран даңғылындағы көлік қозғалысына қойылатын уақытша шектеулерге қатысты сұрақтар түсіп жатыр. Уақытша қолайсыздықтарға түсіністік танытып, жеңіл рельсті көлік жобасының іске асуына қолдау білдірулеріңізді сұраймын. Құрылысы аяқталған соң Tarlan Astana жолдардағы көлік жүктемесін едәуір азайтып, өткізу қабілетін арттыруға және кептеліс мәселесін шешуге мүмкіндік береді. Өз тарапымыздан құрылыс жұмысын барынша қысқа мерзімде әрі сапалы аяқтау үшін бар күшімізді саламыз. Мәселен, бүгінде Tarlan Astana жеңіл рельсті көлік желісінің Қосшы қаласына қарай бағытталған екінші кезеңінің құрылысы қарқынды жүріп жатыр. Келесі жылдың соңына дейін барлық жұмысты аяқтап, осы учаскеде қозғалысты ашуды жоспарлап отырмыз, – деді Жеңіс Қасымбек.


Сонымен бірге Айтматов көшесі мен Тұран даңғылы бойындағы желінің құрылысын бастау жоспарда бар.

Әкімнің айтуынша, құрылыс кезеңінде – осы жылдың соңына дейін және келесі жылы Сығанақ, Айтматов көшелері мен Тұран даңғылы бойында көлік жүргізушілеріне уақытша қолайсыздықтар туындайды.


– Бұл ретте, көлік қозғалысын қамтамасыз ету үшін бар күшімізді саламыз, – деді қала әкімі.


Жеңіс Қасымбек Сығанақ көшесінің бойында орналасқан № 201 станцияда екі деңгейлі ауысып міну торабының құрылысы басталғанын атап өтті.


– Бүгін Tarlan Astana жеңіл рельсті көлік желісінің екінші кезеңіндегі № 201, 202 және 204 станцияларының құрылыс барысымен таныстым. Сығанақ көшесінің бойында орналасқан № 201 станцияда екі деңгейлі ауысып міну торабының құрылысы басталды. Мұнда № 2 және № 3 желілері түйіседі. Бұл жолаушыларға көшеге шықпай-ақ, бір бағыттан екіншісіне жылдам әрі ыңғайлы ауысып мінуіне мүмкіндік жасайды. Жобаны іске асыру қаланың көлік қатынасын едәуір жақсартып, тұрғындардың жылдам қатынауына және елордада заманауи көлік инфрақұрылымын қалыптастыруға мүмкіндік береді, – деді әкім.

]]></content:encoded>
                <dc:creator xmlns:dc="http://purl.org/dc/elements/1.1/">Әсем Қабылбекова</dc:creator>
                <pubDate>Fri, 13 Nov 2026 08:32:00 +0500</pubDate>
                                    <enclosure  url="https://inbusiness.kz/uploads/2026-11/89smq6IH.jpg"   type="image/jpeg"   length="962757"  />
                            </item>
                    <item>
                <title><![CDATA[NVIDIA басшысы Дженсен Хуанг қызметінен кетті]]></title>
                                <link>https://inbusiness.kz/kz/news/nvidia-basshysy-dzhensen-huang-kyzmetinen-ketti</link>
                <guid isPermaLink="true">https://inbusiness.kz/kz/news/nvidia-basshysy-dzhensen-huang-kyzmetinen-ketti</guid>
                <description>Оның отставкасы дереу күшіне енді.

 
</description>
                <content:encoded><![CDATA[NVIDIA компаниясының бас директоры Дженсен Хуанг қызметінен кетіп, директорлар кеңесінің құрамынан шығады. Бұл туралы компанияның ресми сайтындағы мәлімдемеде айтылған, деп жазады inbusiness.kz сайты.

Компанияны уақытша қаржы директоры Колетт Кресс басқарады. Ол 2013 жылдан бері NVIDIA компаниясында жұмыс істейді. Бұған дейін Кресс Cisco және Microsoft компанияларын қоса алғанда, жетекші технологиялық компанияларда 25 жылға жуық уақыт қаржы саласындағы қызметтерді атқарған.

Ал директорлар кеңесі жаңа тұрақты басшыны іздеуге кіріскен. Үміткерлер қатарында компанияның ішкі мамандары мен сырттан шақырылатын кандидаттар бар.

Сонымен қатар NVIDIA директорлар кеңесі тарихында алғаш рет кеңес төрағасы тағайындалды. Бұл қызметке бұған дейін Synopsys компаниясының бас директоры әрі директорлар кеңесінің атқарушы төрағасы болған кәсіпкер және инвестор Харви Джонс келді.

Компания мәлімдемесінде жұмыс үдерісі қалыпты жалғасатыны айтылған. Атап айтқанда, клиенттер алдындағы міндеттемелер орындалып, өнімдерді әзірлеу мен шығару жоспары жүзеге асырылады. NVIDIA өкілдері Дженсен Хуангқа компания мен технология саласының дамуына қосқан үлесі үшін алғыс білдірді.

Айта кетейік, NVIDIA – 1993 жылы құрылған америкалық технологиялық компания.

NVIDIA компаниясында Хуангқа компанияның және технология саласының дамуына қосқан үлесі үшін алғыс білдірді. Ал Директорлар кеңесі басшылықтың ауысуы компанияның жұмысына, клиенттер алдындағы міндеттемелеріне және өнімдерді әзірлеу жоспарларына әсер етпейтініне сендірді.

Бұған дейін NVIDIA басшысының АҚШ арнайы қызметтері Қытай барлау агенті деп санайтын әйелмен байланысы болғаны туралы ақпарат тараған. Кейін Дженсен Хуанг некедегі адалдықты бұзғанын мойындап, отбасы мен компания қызметкерлерінен кешірім сұрады.
]]></content:encoded>
                <dc:creator xmlns:dc="http://purl.org/dc/elements/1.1/">Әсем Қабылбекова</dc:creator>
                <pubDate>Fri, 13 Nov 2026 08:00:00 +0500</pubDate>
                                    <enclosure  url="https://inbusiness.kz/uploads/2026-11/yEANu3si.jpg"   type="image/jpeg"   length="276966"  />
                            </item>
                    <item>
                <title><![CDATA[Президент ҚТЖ мен «Самұрық-Қазына» басшыларының ұсталуына байланысты шұғыл жиын өткізеді]]></title>
                                <link>https://inbusiness.kz/kz/news/prezident-ktzh-men-samuryk-kazyna-basshylarynyn-ustaluyna-bajlanysty-shugyl-zhiyn-otkizedi</link>
                <guid isPermaLink="true">https://inbusiness.kz/kz/news/prezident-ktzh-men-samuryk-kazyna-basshylarynyn-ustaluyna-bajlanysty-shugyl-zhiyn-otkizedi</guid>
                <description>2026 жылғы 13 қарашада Мемлекет басшысы Қасым-Жомарт Тоқаевтың төрағалығымен Қазақстан Республикасы Қауіпсіздік Кеңесінің көлік-логистика саласын дамыту мәселелері бойынша шұғыл отырысы өтеді, деп хабарлайды inbusiness.kz сайты.


 
</description>
                <content:encoded><![CDATA[Жиын барысында Президент «Самұрық-Қазына» ұлттық әл-ауқат қоры мен «Қазақстан темір жолы» ҰК» АҚ басшыларының сыбайлас жемқорлық қылмысына қатысы бар деген күдікпен ұсталуына байланысты мемлекеттің позициясын жеткізеді.

Сонымен қатар Мемлекет басшысы «Заң мен Тәртіп» қағидатын сақтау, ұлттық компания басшыларының жеке жауапкершілігі және еліміздегі стратегиялық маңызды кәсіпорындардың қызметіндегі заңдылық пен ашықтықты қамтамасыз ету мәселелеріне айрықша назар аударады.
]]></content:encoded>
                <dc:creator xmlns:dc="http://purl.org/dc/elements/1.1/">Сымбат Айдархан</dc:creator>
                <pubDate>Thu, 12 Nov 2026 20:00:00 +0500</pubDate>
                                    <enclosure  url="https://inbusiness.kz/uploads/2026-11/pl8lhJQ5.jpg"   type="image/jpeg"   length="90951"  />
                            </item>
            </channel>
</rss>
