Хаттың құны 400 мың долларға бағаланды, деп жазады inbusiness.kz сайты BBC-ге cілтеме жасап.
Полковник Арчибальд Грейс хатты 1912 жылы 10 сәуірде әйгілі лайнерге бірінші мінген күні жазған. Жолаушы жазбаларында кеме туралы алғашқы әсерімен бөліскен.
Бұл бірінші класты хат кемедегі C51 каютасынан жазылған. Ол 1912 жылдың 11 сәуірінде кеме Ирландияның Куинстаун портына тоқтағанда жолданған. Хатта 12 сәуірдегі Лондон поштасының мөрі бар.
Хаттың бастапқы болжамды бағасы 60 000 фунт болса, түпкілікті бағасы бес есе жоғары. Осылайша, тарихи құжат бастапқы құнынан 5 есе қымбатқа саудаланды.
Айта кетейік, "Титаник" кемесімен байланысты жазылған хаттардың ешқайсысы мұндай қомақты ақшаға сатылған емес.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
