Мәди Абылайұлы Ахметов 1995 жылы 18 қыркүйекте Алматы қаласында дүниеге келген. 

Білімі:

2017 жылы – Әл-Фараби атындағы Қазақ ұлттық университетін "Журналистика" мамандығы бойынша (әлеуметтік білім бакалавры), ал 2019 жылы – «Саясаттану» мамандығы бойынша (әлеуметтік ғылымдар магистрі) бітірген. Студенттік кезінен бастап Мәди Абылайұлы ҚазҰУ-дың қоғамдық өміріне белсене ат салысты.

Еңбек жолы:

Еңбек жолын Әл-Фараби атындағы ҚазҰУ-дың журналистика факультетінің «Медиасфера» гуманитарлық орталығында ғылыми стажер болып бастады. «Қазақ елі» республикалық экспедициясына қатысты.

2016 жылы – Алматы қаласы Алатау ауданы белсенділерінің координаторы болды.

2017 жылы – Дүниежүзілік қысқы Универсиадада бес жүз еріктінің үйлестірушісі қызметін атқарды.

2017 жылдың наурыз айы –"Нұр Отан" партиясы жанындағы "Жас Отан" Жастар қанатының Алматы қалалық филиалының төрағасы болып тағайындалды.

2018 жылдың басы – "Jas Qadam" қоғамдық қорын құрды.

2018 жылдың сәуір айынан тамыз айына дейін – Халықаралық бизнес университетінде қоғаммен байланыс жөніндегі менеджер қызметін атқарды.

2018 жылдың қыркүйегінен бастап 2019 жылдың ақпанына дейін – «Халықаралық ақпараттық технологиялар университеті» АҚ деканының тәрбие ісі жөніндегі орынбасары болып жұмыс істеген.

2019 жылы – Алматы қалалық Қоғамдық кеңесінің мүшесі болып сайланды.

2021 жылғы 15 қаңтардан 2023 жылғы 19 қаңтарға дейін — Қазақстан Республикасы Парламенті Мәжілісінің 7-сайланым депутаты, «Нұр Отан» партиясы фракциясының мүшесі (2022 жылы «Аманат» партиясы болып өзгертілді).

2023 жылғы 23 желтоқсаннан бастап — Алматы облысы жастар саясаты мәселелері басқармасының басшысы лауазымына тағайындалды.