Арыстанбек Мұхамедиұлы 1963 жылы Алматы облысының Талғар ауданындағы Тұздыбастау ауылында дүниеге келген.   

Білімі:

1986 жыл  – Құрманғазы атындағы Қазақ ұлттық консерваториясын виолончель сыныбы бойынша бітірген.  

1997 жыл – ҚР Президенті жанындағы Ұлттық жоғары мемлекеттік басқару мектебінде оқыған. 

2001 жыл – Әл Фараби атындағы Қазақ ұлттық университетінің аспирантурасын тәмамдаған. 

2003 жылы «Қазақстан – ЮНЕСКО: мәдени ынтымақтастық аспектілері» атты тақырып бойынша кандидаттық диссертация қорғаған.  

Еңбек жолы:

1984-1991 жж. –  Жамбыл Жабаев атындағы Қазақ мемлекеттік филармониясында Мемлекеттік симфониялық оркестрдің әртісі.

1991-1993 жж. – Қазақстан Республикасы Мәдениет министрлігінің бас маманы.

1993-1994 жж. – Қазақстан Республикасы Мәдениет министрінің көмекшісі.

1994-1996 жж. – «Гүлдер» мемлекеттік ансамблінің директор-әкімшісі.  

1997-2001 жж. – Қазақстан Республикасының Республикалық гвардиясының Президент оркестрінің басшысы.   

2001-2005 жж. – Қазақстан Республикасының Мәдениет және ақпарат министрлігінің «Республикалық және халықаралық мәдени бағдарламалар дирекциясы» РМҚК бас директоры. 

2005-2006 жж. –  «Қазақ әуендері» АҚ президенті.

2006-2007 жж. – Қазақстан Республикасы мәдениет және ақпарат вице-министрі. 

2007-2008 жж. – Қазақстан Республикасының Президент Әкімшілігінің ішкі саясат бөлімінің мәдениет секторының меңгерушісі, әлеуметтік-саяси бөлімінің бас инспекторы.  

2008 жылдың сәуірі – 2014 жылдың наурызы – Т. Қ. Жүргенов атындағы Қазақ ұлттық Өнер академиясының ректоры. 

2014 жылдың 11 наурызы – 2014 жылдың 6 тамызы – Қазақстан Республикасы мәдениет министрі.  

2014 жылдың 6 тамызынан – 2019 жылдың 17 маусымына дейін – Қазақстан Республикасы Мәдениет және спорт министрі.  

2019 жылдың 10 шілдесінен -  Қазақстан Республикасы Ұлттық музейінің директоры.

Мемлекеттік наградалары: «Қазақстанның еңбек сіңірген қайраткері» құрметті атағы, ҚР Президентінің алғыс хаттары, «ҚР Тәуелсіздігіне 10 жыл», «ҚР Конституциясына 10 жыл», «Астанаға 10 жыл» мерейтойлық медалі.