Жандарбек Бекшин 1958 жылы 5 қаңтарда дүниеге келген. 

Білімі:

1982 ж. -  Свердловск мемлекеттік медицина институтын «Гигиена, эпидемиология, санитария» мамандығы бойынша бітірген.

1998 ж. – медицина ғылымдарының кандидаты.

Еңбек жолы:

1982-1987 жж. - санитарлық дәрігер, Целиноград қалалық санитарлық-эпидемиологиялық станциясының коммуналдық гигиена бөлімінің меңгерушісі.

1987-1990 жж. - Целиноград қалалық және облыстық халықтық бақылау комитетінің инспекторы.

1990-1998 жж. - Целиноград облыстық санитарлық-эпидемиологиялық станциясының бас дәрігерінің орынбасары.

1998-2011 жж. -  Астана қаласы бойынша мемлекеттік санитарлық-эпидемиологиялық қадағалау комитеті бастығының орынбасары, бөлім бастығы, департамент директоры.

2011-2013 жж. - Қазақстан Республикасы Денсаулық сақтау министрлігі Мемлекеттік санитарлық-эпидемиологиялық қадағалау комитетінің төрағасы - Қазақстан Республикасының бас мемлекеттік санитарлық дәрігері.

2013-2014 жж. - Қазақстан Республикасы Денсаулық сақтау министрлігі Мемлекеттік санитарлық-эпидемиологиялық қадағалау комитеті төрағасының орынбасары.

2014 ж. - Қазақстан Республикасы тұтынушылардың құқықтарын қорғау агенттігі төрағасының орынбасары, төрағаның міндетін атқарушы, бас мемлекеттік санитарлық дәрігер.

2014-2017 жж. - Қазақстан Республикасы Ұлттық экономика министрлігі Тұтынушылардың құқықтарын қорғау комитеті төрағасының орынбасары - Қазақстан Республикасының бас мемлекеттік санитарлық дәрігері.

2017 ж. -  Қазақстан Республикасы Денсаулық сақтау министрлігі Қоғамдық денсаулықты қорғау комитеті төрағасының орынбасары - Қазақстан Республикасының бас мемлекеттік санитарлық дәрігері.

2017-2019 жж. - Қазақстан Республикасы Денсаулық сақтау министрлігі Қоғамдық денсаулық сақтау комитетінің төрағасы.

2019 жылдың 25 маусымынан -  Қазақстан Республикасы Денсаулық сақтау министрлігі Тауарлар мен қызметтердің сапасы мен қауіпсіздігін бақылау комитеті төрағасының орынбасары - Қазақстан Республикасының бас мемлекеттік санитарлық дәрігері.

2020 жылдың 20 наурызынан бастап – Қазақстан Республикасының бас санитарлық дәрігері қызметінен босатылды. Алайда ол сапаны бақылау және қызметтердің қауіпсіздігі комитеті төрағасының орынбасары - бас мемлекеттік санитарлық дәрігердің орынбасары болып қалды.

2020 жылдың 18 сәуірінен бастап – Алматы қаласының бас санитарлық дәрігері.

2022 жылдың қаңтарынан бастап зейнеткерлікке шықты.

2023 жылдың 16 қаңтарында QazBioPharm ұлттық холдингі бас директорының міндетін атқарушы болып тағайындалды.