Соның себебінен базалық мөлшерлеме 9 пайыздан 16,5 пайызға көбейді. "Отбасы банк" бағдарламаларын алмайтын болсақ, ипотеканың ставкасы бізде 18-20% боп тұр. 18% – номиналды, 20% – тиімді ставка. Инфляцияның салдарынан бізде мөлшерлеме жоғары және үй бағасының өсуі негізінен инфляцияға байланысты болып тұр. Қазір ипотекаға сұраныс бар ма дегенге келсек, әрине, сұраныс бар, бірақ қазір ипотекалық займның 70 пайызы "Отбасы банктен" алынады. Өйткені ставка мөлшері аз. Соңғы жылдары 114-115 мың ипотекалық кредит берілген.
Қазіргі таңда ипотеканың саны артпай жатыр, әлі сол деңгейде тұр. Бұл ипотеканың қымбатшылығына байланысты. Адамдар көбінесе 20%-бен ала бермейді, бір жағынан "Отбасы банктің" ипотекалық бағдарламаларында 50 пайызды депозитке салу арқылы алуға болады. Көп адамдарда соманың 50 пайызы жоқ. Бір жағынан бізде "7-20-25" бағдарламасына шектеу қойылып, "Баспана хит" жабылды. Бізде қазір қолжетімді 20 пайызбен бастапқы жарнасы бар бағдарламалар аз. Соңғы жылдары "Отау" секілді бағдарламалар болды, бірақ оларда жыл сайын 15 мың шамасында займ берілді. Ал бізде халықтың саны жылына 250 мыңға көбейеді.
Алдында базалық мөлшерлеме 14,25 пайыз болған, ол 16,5 пайызға өскен. Келесі жылы ол бір пайызға азаюы мүмкін. Бірақ ол ешқандай өзгеріс әкелмейді. Алайда осы жылы бір маңызды өзгеріс болды. Ипотека бойынша шекті пайыздық мөлшерлеме 25 пайыздан 20 пайызға дейін төмендеді. Жылдың аяғына дейін ипотекалық өзгерістер болмайды. Ипотекалық бағдарламалардың дені жылдың басында басталады. Қатты өзгеріс қосылған құн салығымен байланысты. Оның енгізілуі қатты әсер етеді. Өйткені ол бізде алдында үйлердің бағасына қосылған жоқ. Енді қосылған жағдайда үйдің бағасы келесі жылдан бастап 5-7 пайызға дейін көбеюі мүмкін.
Автордың пікірі редакцияның көзқарасымен сәйкес келмеуі мүмкін
