Жалпы мен Үкіметте жұмыс істегенде де, кез келген уақытта Мемлекет басшысының қабылдауына барғанда Президенттің ең алғашқы сұрағы ұстаздарды қорғау және қолдау мәселесі туралы болатын. Көріп отырғанымыздай, 7 жылдың ішінде білім саласында ұстаздарға қатысты оң өзгерістер қабылданды.
Қазіргі уақытта қағазбастылық мәселесі көбейді. Тіпті түрлі ақпараттық жүйелер пайда болып жатыр. Оны интеграциялау арқылы (деректерді) басқа мемлекеттік органдардан жинаудың орнына, әлеуметтік педагогтерге, сынып жетекшілеріне, мұғалімдерге тапсырма беріп, ата-аналарды шақыртып, тіпті жеке деректерін жинап жатыр. Әрине, ұстаздар сабақ бере ме әлде ата-аналардың жеке деректерін аламын деп сөз ести ме? Сондықтан Құрылтай депутаттарының бастамасымен дайындалған заң жобасының ішінде бұл мәселе міндетті түрде қамтылады.
Түнгі сағат екіде жазып, "неге менің балама баға қойған жоқсыз?" дейтін мәселе де бар. WhatsApp чаттың, әлеуметтік желіге Reels салу проблемасы бар. Осының барлығын шешу бұл да өте маңызды бастама. Мұғалімдердің жұмысын жеңілдету, оларды қорғау және қолдау үшін қажет.
Автордың пікірі редакцияның көзқарасымен сәйкес келмеуі мүмкін
