Валюта болжамы: 15 маусым – 19 маусым

Inbusiness оқырмандарға теңгенің доллар, рубльге, юаньге және еурога қатысты бағамы бойынша апта сайынғы валюта болжамын ұсынады

Доллар
Біздің сарапшылардың болжамы
406,333

Доллардың жалпы болжамы, $

Сарапшылар
Астана-Инвест
13.6.2020
400-405
SoftLink
13.6.2020
397-410
DAMU Capital Management
13.6.2020
406-420
Рубль
Біздің сарапшылардың болжамы
5,758

Рубльдің жалпы болжамы, $

Сарапшылар
Астана-Инвест
13.6.2020
5,7-5,9
SoftLink
13.6.2020
5,65-5,85
DAMU Capital Management
13.6.2020
5,7-5,75
Еуро
Біздің сарапшылардың болжамы
456,000

Еуроның жалпы болжамы, $

Сарапшылар
Астана-Инвест
13.6.2020
450-460
SoftLink
13.6.2020
446-460
DAMU Capital Management
13.6.2020
455-465
Юань
Біздің сарапшылардың болжамы
57,483

Юанның жалпы болжамы, $

Сарапшылар
Астана-Инвест
13.6.2020
56,5-57,5
SoftLink
13.6.2020
56,4-57,5
DAMU Capital Management
13.6.2020
57-60

Мұнай құнынының күрт арзандауы теңге бағамынының әлсіреуіне әкеліп соқты. Inbusiness.kz басылымында өз болжамдарымен бөліскен сарапшылардың пікірінше, бұған АҚШ-тағы шикізат қорының өсуі мен ОПЕК+ елдерінің өндірісті қыркүйектің соңына дейін емес, шілденің аяғына дейін қысқарту туралы шешімі түрткі болды. Сонымен қатар әлемдік ЖІӨ көрсеткіші төмендейді деген болжам, пандемияның екінші толқыны басталады деген мәлімдемелер және АҚШ-тың Федералды қор жүйесінің пайыздық мөлшерлемені 2022 жылға дейін қысқартпау туралы ұстанымы да нарыққа әсер етті. ҚР Ұлттық Банкінің пайыздық мөлшерлемені өзгеріссіз қалдыруы да осы триггерлердің қатарында.

Сарапшылардың толық пікірін сайт әзірлеген кезекті сауалнамадан оқи аласыздар:

Серик Козыбаев, начальник отдела инвестиционного анализа АО «Инвестиционный дом «Астана-Инвест»:

15 маусым – 19 маусым

Бейсенбі күні мұнай бағасы күрт төмендеді. Қор нарығы да құлдырай түсті. Бұған Құрама Штаттардағы қаржы реттеушісінің жағымсыз болжамы мен ондағы мұнай қорының көбеюі себеп болды. Алдағы уақытта шикізат бағасының өсуі екіталай. Тіпті ОПЕК+ елдерінің шешімі де жеткіліксіз болып отыр. Дегенмен қара алтын бұдан әрі арзандамауы керек. Көптеген ірі өндірушілер мұнай нарығындағы жағдайды қалыпқа келтіру үшін өндірісті қысқартуға дайын екенін білдірді. Алдағы уақытта қор нарығы мен мұнай нарығында құбылмалылық орнайды. Менің болжамым бойынша, келесі аптада бір доллар 400-405 теңге, бір еуро 450-460 теңге, бір юань 56,5-57,5 теңге, бір рубль 5,7-5,9 теңге болады.

 

 

 

 

 

Мурат Кастаев, генеральный директор ТОО «DAMU Capital Management»:

15 маусым – 19 маусым

Осы аптада сыртқы экономикалық ахуал тұрақсызданды. АҚШ-та коронавирус індетінің екінші толқыны басталады деген болжам бар. Оның үстіне бұл елдегі мұнай қоры өсіп жатыр. Салдарынан Brent сұрыпты мұнай бағасы 43 доллардан 38 долларға дейін түсіп кетті. ОПЕК+ елдері өндірісті қысқарту бойынша ортақ мәмілеге келді, бірақ мүше елдердің барлығы бірдей міндеттемелерді орындамай жатқан секілді. Елімізде осы аптада Ұлттық Банк пайыздық мөлшерлемені өзгертпей, 9,5% деңгейінде қалдырды. Қаржы реттеушісі экономикамыз қазіргі жағдайдың өзінде қалыпқа келе алады деп шешкен болу керек. Банк ЖІӨ-нің төмендеуі бойынша болжамын -1,3%-дан -1,8%-ға дейін, инфляция бойынша болжамын 9-11%-дан 8-8.5%-ға дейін төмендетті. Біздің ойымызша, ЖІӨ-нің төмендеуі -2,5% және -5% аралығында болады.

Біздің болжам бойынша, келесі аптада бір доллар 406-420 теңге, бір еуро 455-465 теңге, бір рубль 5,75 теңге, бір юань 57-60 теңге болады.

 

 

Дмитрий Лукашов, SoftLink аналитигі:

15 маусым – 19 маусым

Осы аптада теңгенің рубльге қатысты бағамы ғана нығайды. Бұған әлемдік мұнай құнының арзандауы түрткі болып отыр. ОПЕК+ елдерінің өндірісті қыркүйектің емес, шілденің соңына дейін қысқартуы инвесторларға жақпай қалды. Дүниежүзілік банктің әлемдік ЖІӨ 2020 жылы 7,6%-ға кемиді деп болжауы да нарыққа кері әсерін тигізді. Яғни шикізатқа деген сұраныстың қалпына келуі ұзаққа созылады деген сөз. Brent сұрыпты мұнай құны 10%-ға арзандады. Теңгенің рубльге қатысты нығаюына Ұлттық Банктің пайыздық мөлшерлемені өзгертпеуі себеп болды деп ойлаймын.

Алдағы аптада бір доллар 397-410 теңге, бір еуро 446-460 теңге, бір рубль 5,65-5,85 теңге, бір юань 56,4-57,5 теңге болады.