"Даму" қоры бизнес ашқысы келетін немесе жүріп тұрған ісін кеңейтуге ниетті кәсіпкерлерді алысқа бармай, яғни, интернет арқылы тегін кәсіпкерлік курсын өтуге шақырады, деп хабарлайды damu.kz.
"Кәсіпкерлікке қашықтан қолдау көрсету" оқыту жобасы кәсіпкерлердің және кәсіпкерлік бастамасы бар тұрғындардың білім деңгейін арттыруға бағытталған. Бұл Қазақстанның ірі қалалардан шалғай орналасқан аудандарының тұрғындары үшін әсіресе ыңғайлы болмақ.
Кез келген уақытта біліміңізді толықтырып, жетілдіру мүмкіндігінен қапы қалмаңыз. Ол үшін не істеу керек? edu.damu.kz сілтемесімен өтіп, сайтта тіркеліңіз.
Оқу барысында электрондық жүйе орындалған тапсырмаларды тексеріп, бағалап отырады. Соңынан қорытынды тест болады. Курсты аяқтағаннан кейін электрон сертификат беріледі.
Жаңадан іс бастаушы кәсіпкерлерге арналған курсты қазір өте беруге болады. Ал жұмысы жүріп тұрған кәсіпкерлерді оқыту шілдеде басталады.
Әлі де сұрақтарыңыз болса, 1408 номеріне колл-орталыққа хабарласыңыз.
