/img/tv1.svg
RU KZ
«Денсаулық» пойызы жыл соңына дейін 130-дай стансаға барады

«Денсаулық» пойызы жыл соңына дейін 130-дай стансаға барады

Ал «Саламатты Қазақстан» пойызы қызметімен Шығыс Қазақстан, Павлодар, Қарағанды және Қостанай облыстарының шалғай аудандарындағы 57 стансаны қамту жоспарланып отыр.

06 Қыркүйек 2018 17:18 765

«Денсаулық» пойызы жыл соңына дейін 130-дай стансаға барады

Қыркүйек пен желтоқсан айлары аралығында Қазақстанның шалғай темір жол стансаларын аралауға «Саламатты Қазақстан» және «Денсаулық» пойыздары аттанды, деп хабарлайды ҚТЖ баспасөз қызметіне сілтемемен atr.kz.

«Денсаулық пойыздарының» жолы Қостанай және Маңғыстау облыстарынан басталды. 2018 жылы «Денсаулық» медициналық пойызы Атырау, Маңғыстау, Қызылорда, Түркістан және Алматы облыстарын аралай отырып, 71 стансаға барады. Ал «Саламатты Қазақстан» пойызы қызметімен Шығыс Қазақстан, Павлодар, Қарағанды және Қостанай облыстарының шалғай аудандарындағы 57 стансаны қамту жоспарланып отыр.

Бұл жобаны ҚР денсаулық сақтау және Ішкі істер министрліктері , «Samruk-Kazyna Trust» әлеуметтік жобаларды дамыту қорымен бірге «ҚТЖ» ҰК» АҚ-ның «Әлеуметтік жобалар қоры» корпоративтік қоры жүзеге асыруда.

Аталған пойыздардың персоналы шалғай станса, бекеттерде тұратын халыққа мамандандырылған әлеуметтік және медициналық көмек көрсететін болады. Тұрғындар терапевт, педиатр, невропатолог, көз дәрігері, ЛОР, гинеколог, хирург, уролог, маммолог, стоматолог сынды білікті дәрігерлердің көмегіне жүгіне алады.

Пойыздар заманауи диагностикалық жабдықтармен, атап айтқанда, диагностикалық жүктемелік сынақтар жүргізу үшін кардиологиялық мониторлық жүйемен, компьютерлік спирометрлік жүйемен, эхоэнцефалографпен, сонымен қатар соңғы үлгідегі рентген, стоматологиялық, ЛОР және офтальмологиялық жабдықтармен жарақталған.

Еске сала кетейік, «Медициналық пойыздар» жобасы алғаш рет 2010 жылы басталған болатын. Осы уақыт аралығында консультативтік-диагностикалық пойыздар республиканың барлық облыстарынан 1 326 стансаның тұрғындарын қараған. Мамандар 379 мыңнан астам қазақстандықты, соның ішінде 8 3806 баланы тексеруден өткізген. Дәрігерлік қабылдаудың жалпы саны 2,5 млн-ды құраған.

Теміржол билетін «Қазпошта» арқылы сату тиімділігін көрсетті

«Қазпошта» арқылы теміржол билетін сату 2015 жылы енгізілген болатын. 

08 Сәуір 2019 12:52 797

Теміржол билеттерінің пошта бөлімшелері арқылы сатылымы 80 есе артты, деп хабарлайды «Жолаушылар тасымалы» АҚ баспасөз орталығы.  

«Қазпошта» арқылы теміржол билетін сату 2015 жылы енгізілген болатын. Осы уақытқа дейін сатылған билеттер санына қарап, еліміздің шалғай ауылдарында тұратын тұрғындар үшін бұл қолайлы болғандығын көруге болады.

Былтырғы қорытындыға сүйенсек, пошта бөлімшелері арқылы сатылған билеттердің саны 3 жыл ішінде билет сату 80-есе өскен. 

Бүгінгі күні жол билеттерін «Жолаушылар тасымалы» АҚ-ға қарасты  233 кассада, жеке меншік 4500 кассада және де интернеттегі билет сататын ресми сайт  EPAY.RAILWAYS.KZ  және де басқа да ғаламтордағы сату көздері арқылы алуға болады.

 

Жандарбек Бекшин: Олар аса қауіпті тәуекелге барып отыр

Тапсырыс беру жүйесінде жұмыс істейтін өндірушілер туралы еліміздің бас санитары осылай деді.

24 Желтоқсан 2018 14:58 508

Қоғам денсаулығын қорғау комитетінің төрағасы Жандарбек Бекшин қазақстандықтарды тағамдарға интернет арқылы тапсырыс бермеуге шақырды, деп хабарлайды .

«Көшедегі фаст-фуд бүгінгі таңда ыстық, ал ең бастысы, қымбат емес тағамдарды ұсынады.  Өкінішке қарай, мұндай тамақтану орындарынан улану қаупі жоғары, өйткені мұндай дүңгіршектерден тағамдардың қалай дайындалатынын анықтау қиын. Оларды даярлау үшін көбінесе канцерогенді қасиеттерге ие, бірнеше рет қолданылатын майлар, маргариндер пайдаланылады. Көшелерден мұндай тағамдар сатып алу қауіпті», - деді Жандарбек Бекшин.

Сондай-ақ, сарапшы мұндай жерлерде сапасыз әрі тұрып қалған азық-түліктер, толық піспеген ет пен жуылмаған көкөністерді қолдану жағдайы жиі кездесетінін айтады.

«Әрі тамақ дайындап, әрі сатып алушыдан ақша қабылдауына байланысты сатушылардың тіпті қол жууға да жағдайы жоқ», –  деді Бекшин.

Сонымен қатар, бас санитар тағамдарға әлеуметтік желі арқылы үйге тапсырыс берудің де соңы қиындыққа айналуы мүмкін деп ескертеді.

«Қазіргі кезде  Instagram және басқа да әлеуметтік желілер арқылы, түрлі жарнамалар арқылы үйге жеткізіп беретін тағамдарға тапсырыстар беру жиілеп кетті. Бұл өте қауіпті сауда түрі. Олардан рұқсаттары болуын талап ету керек. Әдетте, мұндай тағамдар үйде дайындалады. Ал қандай жағдайда дайындалатынын біз білмейміз. Олар тазалық пен сапалы тағамдарға қойылатын ережелерді сақтамауы мүмкін. Тапсырыс беру жүйесінде жұмыс істейтін өндірушілер аса қауіпті тәуекелге барып отыр», –  деді Жандарбек Бекшин.