"Егемен Қазақстан" газеті жас журналистерге арнап арнайы бәйге жариялады. Оған мерзімді басылымдарда материалдарын жариялау арқылы 18-35 жас аралығындағы журналистер қатыса алады. Бәйгенің шарттары туралы толық мәлімет egemen.kz сайтында жарияланды.
Дәстүрлі түрде өтетін бұл бәйге тақырыбы жыл сайын өзгеріп тұрады. Конкурсқа келіп түскен материалдарды бағалау үшін арнайы комиссия құрылады.
Биылғы "Егемен Қазақстан" газетінің жас журналистерге арналған сыйлығы "Туған жер: көне тарихтың көмбесі" деген тақырып аясында жарияланған. Бәйге "Үздік танымдық материал", "Үздік журналистік зерттеу" және "Үздік фоторепортаж" 3 номинациялары бойынша үздіктерді анықтайтын болады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
