"Хабар" телеарнасы бірінші орта салмақтағы WBO тұжырымының чемпионы мексикалық Сауль "Канело" Альварес пен оның отандасы кіші Хулио Сезар Чавес арасындағы кездесуді тікелей эфирде көрсетеді. Бұл туралы телеарнаның продюссері Асхат Жақаев vesti.kz тілшісіне айтып берді.
"Біз бұл кездесуді көрсетеміз. Бірақ 7 мамыр – Отан қорғаушылар күні. Мереке болғандықтан біз бұл кездесуді тек 8 мамыр күні кешrі сағат 23:00-де көрсетеміз. Бұл жекпе-жектің қызық өтетініне күмәнім жоқ. Оның үстіне жекпе-жекте Головкиннің болашақ қарсыластарының бірі жұдырықтасады. Тіпті қайталап көрсетудің өзінде жекпе-жекті көп адам тамашалайды деп ойлаймын", – дейді ол.
Бұған дейін бұл жекпе-жекке Головкиннің бармайтыны белгілі болған еді.
Еске салайық, Головкин мен Альварес биыл жекпе-жек өткізуді жоспарлап отыр. Бұл кездесу қыркүйек айында өтуі мүмкін. Бірақ келісімшарт әлі жасалмаған. Ал "Канело" мен Чавес арасындағы жекпе-жек 6 мамыр күні Лас-Вегаста өтеді.
