"Қазпошта" Қазақстан Ұлттық олимпиада комитетінің 25 жылдығына арналған марканы айналымға шығарды деп хабарлайды компанияның баспасөз қызметі.
Пошталық марка сегіз маркадан құралған парақ пішінді 4 түсті офсеттік баспадан шығарылды. Парақтың өлшемі – 140 мм-ге 120 мм. Марканың өлшемі 28 мм-ге 40 мм. Суретші – Ксения Плужникова.
Пошта маркаларында қорғау элементттері УФ-бояумен орындалды. Аталған пошта маркаларының номиналы – 100 теңге. Тиражы – 7 мың 504 дана.
Пошта маркалары "Қазақстан Ұлттық банкінің банкнот фабрикасы" РММ-де басылып шығарылды.
Ұлттық олимпиада комитеті 1990 жылдың 3 ақпанында ұйымдастырылды және 1992 жылдың наурыз айында Халықаралық олимпиада комитеті оны мойындады.
"Қазпошта" АҚ – пошта және қаржылық қызмет көрсететін Қазақстан аумағындағы пошта қызметінің ұлттық операторы. Компания "Самұрық-Қазына" мемлекеттік қорының құрамына кіреді.
