2023 жылға дейін Қазақстан жаңа жасанды жерсерігін орбитаға ұшырады деп мәлімдеді қорғаныс және аэроғарыш өнеркәсібі министрлігіне қарасты ғарыштық байланыс орталығының мамандары.
Жасанды жерсерігі "KazSat-2R" деп аталады. Жаңа жасанды жерсерік қазіргі қолданыстағы "КаzSat-2-ні" алмастыруға арналған. Мұның қуаты едәуір артық. Ол еліміздегі 4 мың телерадио, байланыс және спутниктік желілерді қамтиды.
"Цифрлық Қазақстан" бағдарламасында көп тапсырмалар бар. Оны орындау үшін бізге жаңа жерсерік қажет. Қазір ғарышта Қазақстанның "KazSat-2" және "KazSat-3" атты екі жерсерігі бар. Олар жер шарынан 39 мың шақырым қашықтықта орналасқан. Екі жерсерік "Аққөл" және "Көктерек" атты ғарыштық байланыс орталықтары арқылы басқарылып отыр", – деді республикалық ғарыш орталығы президентінің орынбасары Бауыржан Құдабаев.
