Англиялық "Манчестер Сити" "Барселонаның" шабуылшысы Лионель Месси үшін келісімшартта көрсетілген 300 миллион евроны төлеуге дайын, деп хабарлайды vesti.kz.
The Sun басылымының таратқан мәліметіне сәйкес, "қалалықтар" Мессидің келісімшартында көрсетілген құны 400 миллион евроға дейін өспей тұрып сатып алмақ.
Осы аптаның басында Месси каталондық клубпен жаңа келісімшартқа отыратыны жайлы ақпарат шыққан болатын.
Айта кетейік, бұған дейін "Барселонаның" тағы бір белді футболшысы Неймар 4 тамыз күні ресми түрде "ПСЖ" клубына ауысқан болатын. Париждік ұжым бразилиялық футбол үшін 222 миллион евроға шығындалған. Неймар "ПСЖ" клубынан аптасына таза 575 мың евро, жылына 30 миллион жалақы алып отырады. Сонымен қатар Qatar Sports Investments компаниясы арнайы келісімшарт жасап, 2022 жылы Катар жерінде өтетін әлем чемпионатының ресми өкілі болады. Ол үшін де шабуылшы қомақты көлемде сыйақы алады. Бірақ нақты қанша екені белгісіз.
