"Тобыл" футбол клубы жаңа маусымға дайындық жұмыстарын Түркияда өткізеді, деп хабарлайды ҚазАқпарат.
Қостанайдың клубы жаттығу ойындарын 7-22 қаңтар аралығында өткізеді. Команда Анадолы жерінде 4 бақылау матчын ұйымдастырмақ. 12 қаңтарда жергілікті "Чайкур Ризеспор" клубымен кездессе, үш күнне соң танымал ұжым "Сивасспор" қостанайлықтардың қарымын байқап көреді.
Ал 18 қаңтар күні Албанияның "Тирана", 22 қаңтарда ресейлік "Луч Энергия" командаларымен жолдастық кездесулер жоспарланған. Жиынға клубтың негізгі ойыншылары жəне жастар құрамынан бірнешеуі шақырту алған.
Мұнымен қоса, "Тобыл" сапы қаралымға келетін фтболшылармен толығады. Бас бапкер Владимир Никитенконың айтуынша, клуб қазірдің өзінде 4 аяқ-доп шеберімен келісімшартқа отырды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
