"ҚР АШМ Агроөнеркәсіптік кешендегі мемлекеттік инспекция комитеті Қазақстан Республикасының аумағына фитосанитариялық тәуекелі жоғары карантинге жатқызылған өнімді заңсыз әкелудің 80 фактісінің жолын кесті. 66 жағдайда Ресей Федерациясынан жалпы көлемі 1 мың тоннадан астам картоп, қияр, қызылша, бидай, арпа, кебек, кептірілген жемістер, апельсин, алма және банан, Қырғызстаннан 19 тонна картоп және фундук және 30 м/куб ағаш материалдары, Өзбекстаннан 0,1 тонна лимон, анар, алма және құрма және Ираннан 50 тонна картоп импорты кезінде фитосанитариялық сертификаттардың жоқтығы анықталды. 1 жағдайда Ираннан 3 653 дана сәндік өсімдіктерді әкелу кезінде фитосанитариялық сертификатта қосымша декларацияның болмауы түрінде фитосанитариялық талаптарға сәйкессіздік анықталды. 13 жағдайда Ресей Федерациясынан жалпы салмағы 245 тонна бидай, көкөніс және жеміс-жидек, Түркиядан 18,9 тонна кептірілген інжір және ҚХР-дан 19,8 тонна мандарин импорты кезінде карантинге жатқызылған өнім қайталама тексеруге ұсынылмаған",- дейді ведомстводан.
Өсімдіктер карантині саласындағы заңнаманың бұзылуына жол берген кінәлі тұлғаларға ҚР ӘҚБтК-нің 400-бабы бойынша 4,2 млн теңгеден астам сомаға айыппұл салынған.
Ал жыл басынан бері 401,6 млн теңгеден астам сомаға әкімшілік айыппұл салыныпты.
