Оқу-ағарту министрі Ғани Бейсембаев 1 қыркүйек – Алғашқы қоңырау рәсімінде ұстаздарға сый-сияпат жасауды міндеттемеу керектігін айтты, деп хабарлайды inbusiness.kz сайтының тілшісі.
"Digital Kazakhstan: заманауи білім беру" республикалық тамыз саммитінде министрге "1 қыркүйекте мұғалімдерге гүл мен кәмпит сыйлау дұрыс па?" деген сұрақ қойылды.
"Кәмпиттер туралы ойлану керек. Бірақ менің ойымша, оқушылардың мұғалімге гүл беруі – барлық уақытта сүйсінерлік іс. Негізінде бұл әрқашан жақсы дәстүр саналып келді, оқушылар шын жүректен педагогке алғыс білдіріп, оларға гүл сыйлайды. Мұны дұрыс деп санаймын", – деді Ғ.Бейсембаев елордада Тамыз конференциясында.
Оқу-ағарту министрі Ғани Бейсембаев ұстазға сыйлық беріді балаларға міндеттемеу керектігін айтты.
"Әркімнің өз көңілі, ниеті болуы керек. Бірақ гүл беруді міндеттеу деген мәселеден аулақ болған дұрыс", – дейді Оқу-ағарту министрі Ғани Бейсембаев.
