Бұл туралы Президент Қасым-Жомарт Тоқаев коронавирус індетіне байланысты кезекті мәлімдемесінде айтты.
"Елімізде жолаушыларға арналған барлық әуе тасымалы тоқтады. Бұл дер кезінде қабылданған дұрыс шешім болды. Дегенмен, салыстырмалы түрде жағдайдың тұрақтанғанын ескеріп, Үкімет 1 мамырдан бастап Елорда мен Алматы арасындағы рейстерді ашатын болды", – деп жазылған мәлімдемеде.
Мемлекет басшысының айтуынша, мұндай шара індетпен күресіп жүрген көптеген мамандардың жұмысы үшін де қажет.
"Барлық қауіпсіздік шараларын мұқият ойластырып, авиациялық және санитарлық қызметтердің өзара іс-қимыл тәртібін әзірлеу маңызды", – деді Қасым-Жомарт Тоқаев.
Есжан Ботақара
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
