DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 323,36 Brent 36,55
1 науқас өте ауыр күйде жатыр

1 науқас өте ауыр күйде жатыр

Инфекция жұқтырғандармен байланыста болғандардың 99%-ы оқшауланды.  

10 Сәуір 2020 19:44 165

1 науқас өте ауыр күйде жатыр

Денсаулық сақтау министрлігінің жауапты хатшысы Ботагөз Жақселекова елдегі коронавирустік ахуалға қатысты мәлімет берді

 «Бүгінгі күні стационарларда 712 адам ем-дом шараларын қабылдауда. Аламаты қаласындағы 1 науқас өте ауыр күйде жатыр. 18 науқастың жағдайы ауыр, 107 пациент орташа деңгейдегі ауыр жағдайда. Науқастардың 80%-ы, яғни 587 пациенттің емделуі симптомсыз немесе жеңіл өтуде. Осы уақытқа дейін инфекция жұқтырғандармен байланыста болған 21 мың адам анықталды. Олардың 99%-ы табылып, оқшауланды», –  деді Ботагөз Жақселекова.

Нұржан Көшкін

inbusiness.kz-ті қараңыз, оқыңыз :

Ерұлан Жамаубаев ҚР Қаржы министрі болып тағайындалды

Ол бұған дейін Қазақстан Республикасы Қаржы министрлігінің Жауапты хатшысы болып қызмет атқарған.  

18 Мамыр 2020 18:35 139

Ерұлан Жамаубаев ҚР Қаржы министрі болып тағайындалды

ҚР Президенті Қасым-Жомарт Тоқаевтың Жарлығымен Ерұлан Жамаубаев Қазақстан Республикасының Қаржы министрі болып тағайындалды, деп хабарлайды Ақорда.

«Ерұлан Кенжебекұлы Жамаубаев Қазақстан Республикасының Қаржы министрі болып тағайындалсын», – делінген Жарлық мәтінінде.

Сондай-ақ, Мемлекет басшысының өкімімен Ерұлан Кенжебекұлы Жамаубаев Қазақстан Республикасы Қаржы министрлігінің жауапты хатшысы қызметінен босатылды.

Ерұлан Жамаубаев1974 жылы 25 наурызда Алматы облысында туған. Білімі жоғары, 1995 жылы Қазақ мемлекеттік басқару академиясын, «Қаржы және кредит», 2009 жылы Қазақ экономикалық университетін бітірген, «Іскерлік әкімшілендіру магистрі».

Еңбек жолы:

1996-1998 жылдары – Қазақ мемлекеттік басқару академиясының оқытушысы.

1998-2006 жылдары – Қазақстан Республикасы Ұлттық банкі Зерттеулер және статистика департаменті жетекші сарапшысы, бас сарапшысы, бас маман-сарапшысы, басқарма бастығы, директор орынбасары;

2006-2014 жылдары – Қазақстан Республикасы Ұлттық банкінің Үйлестіру департаментінің директоры.

2014-2015 жылдары – «Қазақстанның тұрғын үй құрылыс банкі» АҚ-ның басқарушы директоры.

2015 жылғы шілде мен қараша аралығында – Қазақстан Республикасының Президенті Әкімшілігінің Әлеуметтік-экономикалық мониторинг бөлімі меңгерушісінің орынбасары.

2015 жылғы қараша мен 2018 жылғы қараша аралығында – Қазақстан Республикасының Президенті Әкімшілігінің Әлеуметтік-экономикалық мониторинг бөлімінің меңгерушісі.

2018 жылғы қараша мен 2019 жылғы наурыз аралығында Қазақстан Республикасы Президентінің Көмекшісі.

Қазақстан Республикасы Президентінің 2019 жылғы 22 наурыздағы № 7 өкімімен Қазақстан Республикасы Қаржы министрлігінің Жауапты хатшысы болып тағайындалған.

Үстемақы алатын медицина қызметкерлерін комиссия анықтайды

Медицина қызметкерлеріне ынталандыру ақысы төлене бастады.  

10 Сәуір 2020 21:13 123

Үстемақы алатын медицина қызметкерлерін комиссия анықтайды

Денсаулық сақтау министрлігінің жауапты хатшысы Ботагөз Жақселекова коронавируспен күрес жүргізіп жатқан медицина қызметкерлеріне ынталандыру үстемақысын төлене бастағанын айтты. Үстемақы алатын медицина қызметкерлерін арнайы комиссия анықтайды.

«Жалақысына үстемақы қосылатын тұлғаларды анықтау үшін медициналық ұйымдардың басшылары комиссияға қызметкерлердің аты-жөні жазылған тізім ұсынады. Бұл жұмыстың ашықтығын қамтамасыз ету үшін жергілікті атқарушы орган жанында жедел штаб басшысы немесе оның орынбасарының басқаруымен комиссия жасақталады. Оның құрамында өңірдің бас санитарлық дәрігері, облыстық денсаулық сақтау басқармасы, жұмыспен қамту және әлеуметтік қорғау басқармасы өкілдері, сондай-ақ мемлекеттік емес құрылымдар, «Nur Otan» партиясы мен кәсіподақ ұйымдары өкілдері кіреді. Төлем әлеуметтік медициналық сақтандыру қоры арқылы төленеді. Наурыз айына 5,2 млрд теңге қарастырылды. Қосымша келісімшарттар жасау арқылы қаржыландыру ұлғайды. Қазір ақша төлене бастады», – деді жауапты хатшы.

Нұржан Көшкін

Жаңалықтарға жазылу: