Құжат "Ашық НҚА" порталында жарияланды, деп жазады inbusiness.kz.
Оған сәйкес, аттестаттау екі бағдарламадан тұрады: міндетті, мерзімінен бұрын аттестаттау.
"Міндетті аттестаттау әлеуметтік қызметкерлердің тиісті біліктілігін арттыру мақсатында өткізіледі. Мерзімінен бұрын аттестаттау - әлеуметтік қызметкерлердің тиісті біліктілік санатын белгілейді. Тестілеу әлеуметтік қызметкерлердің таңдаған тілі бойынша жүргізіледі: міндетті аттестаттау – 60 сұрақ, мерзімінен бұрын аттестаттау – 80 сұрақ", - делінген құжатта.
Әлеуметтік қызметкерлерді аттестаттау келесі нормативтік-құқықтық актілерді білуге арналған тестілеу жолымен жүргізіледі:
- Арнаулы әлеуметтік қызметтерге қажеттілікті бағалау және айқындау жөніндегі әлеуметтік қызметкерлер үшін: Қазақстан Республикасының Конституциясы; "Неке (ерлі-зайыптылық) және отбасы туралы" Қазақстан Республикасының Кодексі; Қазақстан Республикасының Әлеуметтік кодексі; "Кемтар балаларды әлеуметтік және медициналық-педагогикалық түзеу арқылы қолдау туралы" заңы; "Бала құқықтары туралы" заңы.
- Әлеуметтік жұмыс жөніндегі консультанттар үшін: Қазақстан Республикасының Конституциясы; "Неке (ерлі-зайыптылық) және отбасы туралы" Қазақстан Республикасының Кодексі; Қазақстан Республикасының Әлеуметтік кодексі; "Кемтар балаларды әлеуметтік және медициналық-педагогикалық түзеу арқылы қолдау туралы" заңы; "Бала құқықтары туралы" заңы; "Сыбайлас жемқорлыққа қарсы іс-қимыл туралы" заңы.
- Әлеуметтік жұмыс жөніндегі мамандар үшін: Қазақстан Республикасының Конституциясы; "Неке (ерлі-зайыптылық) және отбасы туралы" Қазақстан Республикасының Кодексі; Қазақстан Республикасының Әлеуметтік кодексі; "Кемтар балаларды әлеуметтік және медициналық-педагогикалық түзеу арқылы қолдау туралы" заңы; "Бала құқықтары туралы" заңы; "Тұрмыстық зорлық-зомбылықтың алдын алу туралы" заңы; "Сыбайлас жемқорлыққа қарсы іс-қимыл туралы" заңы.
- Қарттар мен мүгедектерге күтім жасау жөніндегі әлеуметтік қызметкерлер үшін: Қазақстан Республикасының Конституциясы; Қазақстан Республикасының Әлеуметтік кодексі;
- Психоневрологиялық аурулары бар мүгедек балалар мен 18 жастан асқан мүгедектерге күтім жасау жөніндегі әлеуметтік қызметкерлер үшін: Қазақстан Республикасының Конституциясы; Қазақстан Республикасының Әлеуметтік кодексі; "Кемтар балаларды әлеуметтік және медициналық-педагогикалық түзеу арқылы қолдау туралы" заңы; "Бала құқықтары туралы" заң.
Бұйрық 2023 жылғы 1 шілдеден бастап қолданысқа енгізіледі деп көрсетілген.
Құжатты көпшілік талқылау 1 маусымға дейін жалғаспақ.
