Қазақстанның ішкі істер министрлігінде кадрлар қысқартылуда, атап айтқанда орталық аппарат қызметкерлері 15% - ға қысқарды, деп хабарлады ведомство басшысы Ерлан Тұрғымбаев.
"Біз өз қатарымызда 10% қысқарту жүргіздік. Бірінші кезекте біз ІІМ орталық аппаратын 15% - ға, басқару аппаратын аудандық буынға дейін төмендеттік. 10% қысқарту есебінен патрульдік полицияның жалақысын 65 пайызға көтереміз", – деді Ерлан Тұрғымбаев "Нұр Отан" партиясының қоғамдық қабылдауында.
Оның айтуынша, көшедегі адамдармен қарым-қатынас жасауға бірінші болып шығатын патрульдік полиция қызметкерлеріне ең төмен жалақы төленеді екен.
"Сондықтан, полиция мәртебесін көтеру, сыбайлас жемқорлықты төмендету және күрделі еңбек жағдайы үшін жалақыны көтереміз", – деп атап өтті министр.
Сондай-ақ, жедел-тергеу бөлімшелерінің жалақысы 55%-ға және қалған санаттардікі 25%-ға ұлғаятын болады. Бұл өзгерістер осы жылдың 1 шілдесінен бастап жүзеге аспақ
"Қалған қызметкерлер бортта қалмауы үшін мен жұмысқа уақытша мораторий енгіздім. Бір ай ішінде біз оларды өңірлердегі, аудандық бөлімшелердегі, ІІБ аппаратындағы бос лауазымдар бойынша жұмысқа орналастырамыз", – деді Ерлан Тұрғымбаев.
