"...Біздің алдымызда агроөнеркәсіптегі еңбек өнімділігін 2,5 есе өсіріп, өнім экспортын 2 есе ұлғайту міндеті тұр. Экспортталатын өнімнің 70% өңделген болуы керек. Алға қойылған міндетке қол жеткізудегі басты құралдардың бірі – еліміздің агроөнеркәсіп кешенін толық цифрландыру. Ол өнім өндіруге жұмсалатын шығынды азайтуға, оның сапасы мен бәсекеге қабілеттілігін арттыруға мүмкіндік береді", – деді Асқар Мами.
Премьер-министрдің сөзінше, ауыл шаруашылығы мақсатындағы 100 млн гектардан астам жер 5 жылдың ішінде цифрландырылады. Бұған
мемлекеттік-жекеменшшік әріптестік аясында 50 млрд теңге инвестиция қажет болады.
"Қазірдің өзінде, саланы цифрландырудың нәтижесінде тиімді тәжірибе жинақталуда. Өсімдік шаруашылығы мен мал шаруашылығындағы цифрландыру жиналатын астық пен мал шаруашылығы өнімін 20% дейін арттыруға мүмкіндік береді. Ал фермерлердің шығыны 15% қысқарады. Жалпы алдағы уақытта астық жинау саласын цифрландыру өнім түсімін жылына 25 млн тоннаға дейін ұлғайтады", – деді Асқар Мамин.
Қанат Махамбет
