Ғылым және жоғары білім министрлігі "2023 жылға арналған Қазақстан Республикасы Президентінің стипендиясын жоғары және жоғары оқу орнынан кейінгі білім беру ұйымдары арасында бөлу туралы" бұйрық дайындады, деп хабарлайды inbusiness.kz.
- Ең көп шәкіртақы Л.Н. Гумилев атындағы Еуразия ұлттық университетінің студенттеріне бөлінді - 100. Сондай-ақ магистранттарға 2 шәкіртақы бөлінді.
- Әл-Фараби атындағы Қазақ ұлттық университеті мен Абай атындағы Қазақ ұлттық педагогикалық университетіне 94 шәкіртақы бөлінді.
- М.Әуезов атындағы Оңтүстік Қазақстан университеті 60 президенттік шәкіртақы алады.
- А.Байтұрсынов атындағы Қостанай өңірлік университетінің студенттеріне 55 президенттік стипендия тағайындалады.
- С.Аманжолов атындағы Шығыс Қазақстан университетіне 34, М.Қозыбаев атындағы Солтүстік Қазақстан университетіне 27 шәкіртақы бөлінді.
Барлығы 55 жоғары оқу орнының студенттеріне 1005 президенттік шәкіртақы, магистранттарға тағы 7 шәкіртақы бөлінеді.
Құжат "Ашық НҚА" сайтында 20 наурызға дейін орналастырылды.
Қазақстан Республикасы Президентінің шәкіртақысы мемлекеттік тапсырыс негізінде де, ақылы негізде де тек "өте жақсы" оқитын күндізгі бөлімнің 3-курсынан бастап оқудың барлық кезеңіне тағайындалады.
Стипендия студенттердің келесі санаттарына беріледі:
- Республикалық және халықаралық олимпиадалардың, шығармашылық байқаулардың, спорттық байқаулардың, фестивальдердің жеңімпаздары немесе жаңалықтардың, өнертабыстардың авторлары;
- Ғылыми еңбектер жинақтарында, республикалық және халықаралық ғылыми журналдарда жарияланымдарының болуы;
- Ғылыми-зерттеу жұмыстарымен белсенді айналысатын студенттер. Оның табысы дипломдармен, сертификаттармен расталады;
- Университеттің қоғамдық, мәдени және спорттық өміріне белсенді қатысу.
Стипендияларды тағайындау кезінде үміткерлерді іріктеу жоғарыдағы критерийлер тәртібімен жүзеге асырылады.
Студенттерге арналған президенттік шәкіртақы мөлшері 73 320 теңге; магистранттарға – 173 974 теңгені құрайды.
