2024 жылға қарай республикалық маңызы бар жолдардың 11 мың шақырымы ақылы жолға айналады.
Ақылы жол жобасы 2 кезеңнен тұрады. Алғашқы кезеңде, яғни 2020- 2021 жылдар аралығында автомобиль жолдарының 6 мыңға жуық шақырымына төлем жүйесі енгізіледі. Бұл – "Батыс Еуропа – Батыс Қытай" халықаралық транзиттік дәлізінің, Нұр-Сұлтан – Қостанай – РФ шекарасы, Щучинск – Петропавл, Нұр-Сұлтан – Павлодар, Қалбатау – Павлодар – РФ шекарасы (Омбыға), Таскескен – Бақты, Қапшағай – Талдықорған, Атырау – Орал, Атырау – Доссор – Бейнеу – Ақжігіт - Өзбекстан Республикасының шекарасы және Ақтау – Бейнеу жолдарының учаскелері.
Индустрия және инфрақұрылымдық даму министрлігі баспасөз қызметінің хабарлауынша, 2022-2023 жылдар аралығында автомобиль жолдарының қалған 5 мың шақырымы ақылы болады.
Бүгінгі таңда ақылы "Нұр-Сұлтан – Щучинск", "Нұр-Сұлтан – Теміртау, "Алматы – Қорғас" және "Алматы – Қапшағай" жолдарынан түскен қаражаттың жалпы сомасы 4 млрд теңгеден асты.
Қанат Махамбет
