Жыл сайын 12 мамырда Флоренс Найтингейл ұсынған Халықаралық мейіргер күні атап өтіледі. Ол мейіргер ісінің негізін қалаушы болып саналады, ол қоғамдық санада және мейіргердің қоғам денсаулығындағы рөлі мен орны туралы көзқарастарда төңкеріс жасады. Бүгінде бұл кәсіптік мереке 50-ден астам елде, оның ішінде Қазақстанда да атап өтіледі, деп хабарлайды inbusiness.kz ҚР Денсаулық сақтау министрлігінің баспасөз қызметіне сілтеме жасап.
Елімізде болашақ орта медицина қызметкерлерін даярлаумен 91 медициналық колледж айналысады, оның 24-і мемлекеттік және 67-сі мемлекеттік емес, 37-сі "жоғары" медициналық колледж мәртебесіне ие. 2022 жылдың деректері бойынша колледждерде 103 мыңнан астам студент оқиды, мемлекеттік білім беру тапсырысы бойынша 23 400 білім алушы оқуға түсті.
Қазақстандық колледждер 9 мамандық бойынша: емдеу ісі, акушерлік іс, мейіргер ісі, стоматология, ортопедиялық стоматология, гигиена-эпидемиология, зертханалық диагностика, фармация, медициналық оптика бойынша даярлайды. Қазақстанның барлық өңірлерінде мереке қарсаңында форумдар, ғылыми-практикалық конференциялар өткізілуде, онда мейіргерлер, акушерлер, фельдшерлер, зертханашылар түрлі тақырыптарда баяндамалар жасай отырып қатысуда, сондай-ақ ҚР Денсаулық сақтау министрлігінің төсбелгілерін, медальдарын, грамоталарын және алғыс хаттарын алады,оның ішінде "Еңбек ардагері" - 15, "Денсаулық сақтау ісінің үздігі" - 30, "Денсаулық сақтау ісіне қосқан үлесі үшін" - 27, "Құрмет грамотасы"- 96 және "Алғыс хат" - 98.
