Түркістан облысында 2008 жылы туған жасөспірім Шардара су қоймасына батып кетті.
Шымкент қаласы ТЖД ішкі және сыртқы коммуникациялар тобының хабарлауынша, іздестіру-құтқару жұмыстарына көмек көрсету туралы хабарлама сағат 19.00-де түскен. Жасөспірім сағат 18:30 шамасында суға түсуге арналмаған жерде батып кеткен.
"Іздестіру жұмыстарына Шымкент қ.ТЖД жедел-құтқару жасағының Шырдара құтқару бекетінен 6 құтқарушы-сүңгуір, 1 жүзу құралы мен 1 техникасы жұмылдырылып, олар оқиға орнына сағат 20.20 келіп жеткен. Іздестіру жұмыстарының нәтижесінде 4 шілдеде кешкі сағат 21.20-да қыздың денесін тауып, судан шығарған. Іздестіру жұмыстарына қосымша Түркістан облысы ТЖД 6 қызметкері, 11 аудандық полиция қызметкері, туыстарынан 5 адам жұмылдырылған",– деп жазылған хабарламада.
Айта кетсек, суға шомылу маусымы басталғаннан бері шымкенттік құтқарушылар 10 рет облыстағы судағы іздестіру жұмыстарына көмек көрсеткен.
