/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,47 Brent 36,55
14 шілдеден бастап ұлттық парк аумағына кіруге тыйым салынады

14 шілдеден бастап ұлттық парк аумағына кіруге тыйым салынады

Қала тұрғындарына карантин кезінде тауға бармауға кеңес беріледі.  

13 Шілде 2020 21:59 172

14 шілдеден бастап ұлттық парк аумағына кіруге тыйым салынады

Эпидемиологиялық жағдайдың нашарлауына байланысты және коронавирустың таралуын болдырмау мақсатында Алматы әкімдігі 14 шілдеден бастап күшейтілген карантин режимі аяқталғанға дейін ұлттық парк, танымал туристік және тау нысандарына (Медеу, Бутаков, Алма-Арасан және т.б.) кез келген көлік түрімен кіруге тыйым салынатындығын хабарлайды. Сондай-ақ аталған аумақтарда келесі ережелерді қатаң ұстана отырып жаяу және велосипедпен серуендеуге тек жұмыс күндері рұқсат етіледі:

1. Өзімен бірге азық-түлік (сусыннан басқа) алып келуге, отырыстар ұйымдастыруға және от жағуға қатаң тыйым салынады;

2. Парк аумағында үш адамнан артық топтасуға болмайды;

3. Санитарлық нормаларды және әлеуметтік ара қашықтықты ұстану қажет (маска кию, адамдар арасында қашықтық сақтау).

Демалыс күндері (сенбі және жексенбі) Ұлттық парк аумағы келушілер үшін толығымен жабық болады.

Карантин шараларының сақталуын ТЖД, құқық қорғау органдары, СЭС және Ұлттық парк қызметкерлері бірлесіп қадағалайтын болады. Жоғарыда көрсетілген ережелерді бұзған азаматтар парк аумағынан шығарылып, әкімшілік жауапкершілікке тартылады.

Қала тұрғындарына карантин кезінде тауға бармауға кеңес беріледі.

Қалалықтардың жалақысы ауыл тұрғындарына қарағанда 40% жоғары

Еліміз бойынша ең жоғары айлықты Нұр-Сұлтан тұрғындары алады. 

13 Шілде 2020 12:27 172

Қалалықтардың жалақысы ауыл тұрғындарына қарағанда 40% жоғары

Қазақстанда 2020 жылдың І тоқсанында жан басына шаққанда орташа айлық кіріс 177,4 мың теңгені құрады, деп хабарлады finprom.kz. 

Бұл өткен жылдың сәйкес кезеңінен 7,4%-ға жоғары.  2019 жылдың І тоқсанында орташа айлық 165,1 мың теңге болатын. Ал инфляция 6%-ды құрады.
Алайда 2019 жылдың IV тоқсанымен салыстырғанда қазақстандықтардың кірісі 0,4%-ға төмендеген. 

Қала тұрғындарының жалақысы ауыл тұрғындарының айлығынан 40,4% жоғары. Мәселен,2020 жылдың І тоқсанында қала тұрғындарының орташа кірісі 201,3 мың теңге болса, елдімекен тұрғындарының жалақысы 143,3 мың теңгеге тұрақтаған. 
Өңірлер бойынша ең жоғары айлық – 241,6 мың теңгені Нұр-Сұлтан тұрғындары алады. Бұл орташа республикалық деңгейден 36,2%-ға жоғары. 

Одан кейінгі орында 224,1 мың теңге көрсеткішімен Алматы және 212,1 мың теңгемен Қарағанды облысы. 

Ал орта есеппен ең төменгі жалақы – 102,8 мың теңге Түркістан облысында тіркелген. 

Құралай Құдайберген

 

Жандарбек Бекшин карантин талаптарын сақтауға шақырды

Қала тұрғындары адамдар көп жиналатын жерге бармағандары дұрыс.  

10 Мамыр 2020 20:05 323

Жандарбек Бекшин карантин талаптарын сақтауға шақырды

Алматы қаласының мемлекеттік бас санитарлық дәрігері Жандарбек Бекшиннің айтуынша, алматылықтарға бетперде киіп, жеке басының қауіпсіздігі мен қауіпті індеттің алдын алу үшін дезинфекциялық және антисептикалық құралдарды пайдалану керек.

«Барлық сақтық шараларының сақталатынын айтқым келеді. Төтенше жағдай режимі аяқталған күннің өзінде шектеу шаралары, санитарлық-эпидемиологиялық талаптар сақталады. Менің ойымша, бұл бізге әлі де қажет. Өйткені, коронавирустық инфекцияны жұқтыру қаупі толық аяқталған жоқ», – деді Ж.Бекшин.

Бұл ретте қала тұрғындарының адамдар көп жиналатын жерге бармағандары дұрыс.

Дүкенге, шаштараз, киім тазалайтын мекемелерге барғанда әлеуметтік қашықтықты сақтау керек. Сондай-ақ, қызметкерлерден қарапайым гигиена ережелерін сақтау талап етіледі. Ж. Бекшин адамдар алдын ала жазылу тәртібін сақтап, жасанды кезек жасаудан аулақ болуға шақырды.

«Барлық дүкендер мен кәсіпорындар барлық санитарлық-эпидемиологиялық нормаларды сақтауы тиіс. Бұл ретте қаладағы барлық жұмыс берушілерге айтарым бар. Олар өз қызметкерлерін кәсіпорынның немесе нысанның меншік нысанына қарамастан жеке қорғау құралдарымен қамтамасыз етуі қажет. Барлық персонал бетперде, қолғап және өзінің технологиялық киімінде болуы тиіс. Дүкендер мен шаштараздар қызметкерлері міндетті түрде бетперде, бас киімді және фирмалық киімнің үстіне қолғап киіп жүруге тиіс. Барлық үй-жайлар үнемі желдетіліп, ал жұмыс орындары дезинфекциялау құралдарымен өңделуі тиіс», – деп атап өтті бас санитарлық дәрігер.

Ол сондай-ақ, бұл ережелер құрылыс нысандарына да қатысты екенін атап өтті. Құрылыста барлық жұмысшылар өздерінің технологиялық киімдерін киіп жүргеніне қарамастан, бетперде киюлері міндетті.

11 мамырда Алматы қаласында карантин режимі сақталады. Периметр бойынша орналасқан блок-бекеттердің жұмысы да жалғасады. Бұған дейін қабылданған қалаға кіру мен шығу ережелері сол күйі сақталады. Жұмысқа рұқсат алған кәсіпорындар ғана жіберіледі. Қоғамдық көліктің жұмыс тәртібі де өзгеріссіз қалады (сағат 06.00-ден кешкі 19.00-ге дейін).