Павлодар облысының Екібастұз қаласында тұратын жасөспірім nail-индустрияда әлем чемпионы атанды, деп хабарлайды inbusiness.kz Pavlodarnews.kz-ке сілтеме жасап.
Арулат Мұхаметқали instagram-аккаунтында қуанышты жаңалығымен бөлісті. Тырнақ әрлеу қызметінің 14 жастағы шебері қолдау білдірген ата-анасына, тәлімгеріне және облыс әкімдігіне алғыс айтты.
"Сүйінші! Достар, құттықтап қойсаңыздар болады, өз категориямда nail-индустриясының әлем чемпионы атандым. Қуаныштымын, ұйқысыз түндер бекерге кетпеді... Әрбір чемпионат өзімді шыңдауға және алға ұмтылуға мүмкіндік береді", – деп жазды жасөспірім.
Облыс әкімі Әбілқайыр Сқақов nail-стилисті жеңісімен құттықтап, жаңа белестерді бағындыруды, жаңа мақсаттар мен жеңісті күндер тіледі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
