16 жасқа толған жасөспірімдерге ата-анасының рұқсатынсыз жүктілікті жасанды жолмен тоқтатуға рұқсат берілмек. Бұл туралы денсаулық сақтау вице-министрі Ләзәт Ақтаева айтты, деп хабарлайды abctv.kz.
Оның айтуынша, қолданыстағы заңнамада 18-ге толмайынша, ата-анасының рұқсатынсыз түсік жасатуға тиым салынған. Бұл қаламаған жүктілік болған жағдайда жасөспірімдердің уақытылы медициналық қызмет алуына кедергі келтіріп отыр.
Вице-министр соңғы үш жылда жасөспірім қыздар арасындағы жүктілік көрсеткіші 26 пайызға төмендегенімен, өткен жылы олардың саны 3 мыңға жеткенін айтады.
"Сондықтан Халық денсаулығы және денсаулық сақтау жүйесі туралы Кодекстің жаңа редакциясында кепілдендірілген медициналық көмекті ата-анасының рұқсатынсыз алуды 16 жастан бастау ұсынылады", - дейді ол.
