Оның ішінде 1700-ден астамы республикалық кезеңге жолдама алды, деп жазады inbusiness.kz Оқу-ағарту министрлігінің баспасөз қызметіне сілтеме жасап.
Республикалық олимпиада 13-18 ақпан аралығында өтті. "Дарын" РҒПО директорының м.а. Ғаждембек Тұрсыновтың сөзінше, облыстық кезеңнің қорытындысы бойынша 1620 қатысушы сайыстың республикалық кезеңіне өтті. Ал, республикалық олимпиадалық резервтің оқу-жаттығу жиындарынан 88 оқушы қорытынды кезеңге жолдама алады.
"Жалпы білім беретін пәндер бойынша 9-11 (12) сынып оқушыларына арналған республикалық олимпиаданың төртінші кезеңі Шымкент қаласында ұйымдастырылады. Наурыз айының 20-25 аралығында жаратылыстану-математикалық, 3-8 сәуір күндері қоғамдық-гуманитарлық бағытында өтеді", - делінген министрлік таратқан ақпаратта.
