Елордада 18 жасқа толған 26 мыңнан астам жас алғаш рет республикалық референдумға қатысып, дауыс берді, деп хабарлайды inbusiness.kz сайты қала әкімдігіне сілтеме жасап.
Елордадағы ЖОО-лардың бірінің студенті бүгін осындай маңызды іс-шараға алғаш рет қатысып қана қоймай, өзінің 18 жасқа толған күнін атап өтіп отыр.
Бүгінде Астана учаскелерінде өзінің азаматтық ұстанымын білдіруге келген жастардың саны айтарлықтай көп.
Астанада сайлау учаскелері таңғы уақыттан бастап жұмыс істей бастады. Барлық учаскеде елорда тұрғындарының белсенділігі байқалады.
Астанада таңертеңгі сағат 7-ден бастап 460 учаске жұмыс істейді, оның 352-сі – ашық, 34-і – жабық, 74-і дипломатиялық өкілдіктер мен елшіліктерге бөлінген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
