Көші-қон процестерін мониторингілеу басқармасының басшысы елімізге келгендердің көпшілігі қазақтар екенін мәлім етті.
"Елімізге келетіндердің көбі қандастарымыз. 2019 жылдың қорытындысы бойынша 17661 этникалық қазақ атамекеніне оралған. Қазақстан этникалық репатрианттардың бейімделуі мен интеграциясы үшін барынша қолайлы жағдай жасады. Этникалық қазақтар оралман мәртебесін ала отырып, жеңілдетілген тәртіппен Қазақстан Республикасының азаматтығын алуға құқылы. Министрлік репатрианттарға елде тұрақты тұруға және Қазақстан азаматтығын алуға рұқсат ету, сондай-ақ әлеуметтік бейімделу мен интеграциялық қызметтер кешенін ұсыну құқығын беретін кейбір заңнамалық актілерге бірқатар түзету енгізуді қарастыратын заң жобасын әзірледі", – деп атап өтті Дастан Айтқұлов.
Министрлік өкілі сөз соңында елімізде мигранттардың заңды құқықтарын сақтау және өзара тиімді ынтымақтастықты нығайту принциптері сақталатынын атап айтты.
Нұржан Көшкін
