2019 жылдың қазан айындағы дерек бойынша, БЖЗҚ зейнетақы активтерінің жалпы сомасы 10,6 трлн теңгеге жеткен. Бұл өткен жылғы көрсеткіштен 14,2%-ға артық. 2018 жылы 9,3 трлн теңге болған еді. Орташа есеппен алғанда зейнетақы активтері соңғы бес жылда 19,5%-ға өсуде. Бұған зейнетақы салымдарының бір жылда 16,1%-ға өсуі мен инвестициялық табыс түрткі.
Жеке зейнетақы шоттарының саны 3,4%-ға өсіп, 10,4 млн болды. Оның 9,8 миллионы міндетті зейнетақы жарналары салымшыларының , 486,7 мыңы міндетті кәсіптік зейнетақы жарналарының , 38,6 мыңы ерікті зейнетақы жарналарының үлестеріне тиесілі.
Жалпы, 2014 жылдан бастап қазіргі уақытқа дейін ҚР Ұлттық банкінің басқаруындағы зейнетақы активтері бойынша есептелген инвестициялық кіріс сомасы 3,7 трлн теңгеге жеткен.
Табиғат Нұрболат
