2017 жылдың қорытындысы бойынша Астана-Щучинск ақылы көлік жолы 1 млрд 514 млн теңге табыс әкелген, түскен барлық қаражат учаскені ұстау мен төлем алу жүйесін жаңғыртуға жұмсалған.
2017 жылғы көлік қозғылысының жалпы қарқыны 2 млн 757 мың 857 көлікті құраған. 2016 жылмен салыстырғанда көліктер ағынының қарқыны 2,2%-ға артқан.
Ақылы көлік жолы дирекциясының негізгі шығындар бабы:
- материалдарды сатып алу;
- жалақы;
- қосалқы бөлшек;
- ЖЖМ;
- амортизация;
- жұмыстар мен қызмет;
- машина мен жабдықтарды жөндеу;
- басқа да шығандар.
Өткен жылы төлем алу жүйесінің жаңа сервері мен мәліметтерді сақтау жүйесі, жұмыс істеу станциялары мен көп функциялы жабдық орнатылған.
Жылдам төлеуді ұйымдастыру және қолма-қол ақшасыз төлем жасауды көпшілікке түсіндіру үшін қазіргі уақытта "QIWI", "Касса24", "Каспий банк" сияқты төлем жүйелерінің терминалдары жұмыс істеп жатыр.
