2017 жылы 2 млн алушының зейнетақы мөлшері 20%-ға дейін артқан. Зейнетақы төлеуге қарастырылған жалпы қаражат көлемі 1,6 трлн теңге болған, деп хабарлайды zakon.kz.
2018 жылдан бастап ынтымақты зейнетақы 8%-ға, базалық зейнетақы 6%-ға артты. Нәтижесінде орташа зейнетақы шамамен 72 мың теңгені құрады.
2018 жылдың 1 шілдесінен бастап 1998 жылдың 1 қаңтарына дейінгі еңбек өтілі және 1998 жылдың 1 қаңтарынан кейін жинақтаушы зейнетақы жүйесіне қатысу өтілі есебімен базалық зейнетақыны белгілеу әдістемесін өзгерту жоспарланып отыр. Мұндай өзгеріс базалық зейнетақының орташа алғанда 1,8 есе өсуін қамтамасыз етеді. 2018 жылдың 1 шілдесінен бастап базалық зейнетақы есебімен зейнетақының орташа мөлшері шамамен 82 мың теңге болады.
Осы жылы азаматтарды зейнетақымен қамтамасыз етуге 1,9 трлн теңгеден астам қаражат қарастырылған.
