Жыл аяқталар тұста Бас прокуратура да 12 айда атқарған шаруаларын қорытындылады.
Бас прокурор Ғизат Нұрдәулетов жыл бойында қылмыс саны 17%-ға, кісі өлтіру 11%-ға, бұзақылық 28%-ға, есірткі қылмысы 12%-ға қысқарғанын айтады.
"Прокурорлардың көмегімен 30 мың қызметкердің 2 млрд теңге көлеміндегі жалақысы өтелген. 37 мың пайдаланылмайтын жер телімдері кері қайтарылды. Биылғы жылы прокурорлар 219 адамды негізсіз қудалауды тоқтатты. Қызметтік үй-жайлардан және изоляторлардан заңсыз ұсталған 725 адам босатылған. Прокурорлардың араласуымен соттар 1172 азаматқа қатысты үкімді қайта қарады. Соның арқасында 36 адам ақталған", – деді Ғизат Нұрдәулетов.
Ведомство басшысы жиын осңында келер жылға арналған басым міндеттерді айқындап, негізгі бағыттарды белгіледі.
