Зейнетақы салымына түсетін қаржы артады. 2020 жылдан бастап жұмыс беруші қызметкері үшін зейнетақы қорына қосымша 5% салым түсіріп отыруға міндеттелмек. Яғни, жаңа еңбек кодексіне сәйкес, азаматтарды әлеуметтік қорғау жүйесіне енгізілген осындай талап күшіне енуге тиіс. Нәтижесінде, еңбеккердің жалпы бірыңғай жинақтаушы зейнетақы қорындағы шотына түсетін салым 15%-ға теңеседі.
Еңбек және халықты әлеуметтік қорғау вице-министрі Светлана Жақыпованың айтуынша, 2 жылдан кейін елде 1998 жылдан бері мемлекет есебінен беріліп келген базалық зейнетақы төлеу міндеттемесі тоқтатылмақ. Бүгінде Қазақстанда 2 млн-нан астам адам зейнетақы алады. Оның ең төменгі мөлшері 28 мың теңге болса, ең жоғарғысы 80 мың теңге шамасында.
Светлана Жақыпова, ҚР еңбек және халықты әлеуметтік қорғау вице-министрі:
"2020 жылдан бастап, зейнетақы қайта құрылымдауға жүйесін енгіземіз. Яғни, осы кезеңнен бастап, жұмыс беруші еңбеккерлері үшін қосымша 5%-ы зейнетақылық салыс түсіріп отыруы тиіс. Бүгінде 10% жұмыс берушінің өзі жалақысынан төленеді. Бірақ енді ынтымақты зейнетақы жүйесіне мемлекет, жұмысшы және жұмыс беруші де жауапты болуға тиіс".
