Елімізде мұнай өндірісі соңғы бес айда 8%-ға артты. Ал шикізатты саудалаудан түскен табыс былтырғы осы кезеңмен салыстырғанда 37%-ға ұлғайған.
Еnergyprom.kz-тің мәліметіне сай, қаңтар-мамыр аралығында 27 млн тоннадан астам қара алтын экспортталған. Жыл басынан шетелге жөнелтілген мұнай 2,2%-ға кемігенімен, ақшаға шаққандағы табыс 10 млрд долларға өсті.
Қазақстан қара алтынының басым бөлігі Италия, Нидерланды, Франция, Швейцария мен Испанияға экспортталады. ТМД бойынша негізгі импорттаушы – Өзбекстан.
"2020 жылға дейін қара алтын бағасы тұрақсыз болады", – деп болжады Еуразиялық экономикалық комиссиясы. Комиссия мүшелерінің мәліметінше, Brent маркалы мұнайдың баррелі 42-65 доллар аралығында құбылады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
