2020 жылы 2 млн-нан астам адамның зейнетақысы өсті

1128

Мемлекеттік базалық зейнетақы төлемінің мөлшері 5% -ға өсті, оның ең төменгі мөлшері 16 839 теңгені құрады. 

2020 жылы 2 млн-нан астам адамның зейнетақысы өсті

"2020 – 2022 жылдарға арналған республикалық бюджет туралы" заңға сәйкес, 2020 жылғы 1 қаңтардан бастап ынтымақты зейнетақы мөлшері 7% -ға өсті, ал ең төменгі зейнетақы мөлшері 38 636 теңгені құрады,деп хабарлады ҚР Еңбек және халықты әлеуметтік қорғау министрлігінің баспасөз қызметі.

"Мемлекеттік базалық зейнетақы төлемінің мөлшері 5% -ға өсті, оның ең төменгі мөлшері 16 839 теңгені құрады. Бұл өсім 2 миллионнан астам зейнеткерге әсер етті. Сонымен қатар, 2020 жылғы 1 қаңтардан бастап ең төменгі күнкөріс деңгейінің өзгеруіне байланысты мүгедектігі бойынша, сондай-ақ асыраушысынан айрылу жағдайы бойынша мемлекеттік әлеуметтік жәрдемақылардың мөлшері 5% - ға артты",– деп хабарлады министрліктің баспасөз қызметі.

Нәтижесінде бірінші топтағы мүгедектік бойынша берілетін мемлекеттік жәрдемақы мөлшері – 59 872 теңгені, екінші топ – 47 710 теңгені, үшінші топ  32 431 теңгені құрады.

Асыраушысынан айрылғандарға берілетін жәрдемақы асырауындағы адамдар санына байланысты 26 818 теңгеден 65797 теңгеге дейін болды. Сонымен бірге, жетім балаларға берілетін мемлекеттік жәрдемақы мөлшері әрқайсысы үшін 36 796 теңгені құрады, бірақ отбасының барлық мүгедек мүшелері үшін 79 829 теңгеден аспайды.

Бұл өсім шамамен 680 мың мемлекеттік әлеуметтік жәрдемақы алушыға әсер етті.

"Айлық есептік көрсеткіш шамасының өзгеруіне байланысты 2020 жылғы 1 қаңтардан бастап № 1 және № 2 тізімдер бойынша мемлекеттік арнайы жәрдемақылардың мөлшері де 5% - ға артты. 2020 жылғы 1 қаңтардан бастап № 1 тізім бойынша мемлекеттік арнайы жәрдемақылардың мөлшері 24 973 теңгені, № 2 тізім бойынша – 22 216 теңгені құрайды",– делінген хабарламада.

 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу