Қарағанды облысының аграрийлері биыл миллионнан астам астық жинады. Облыстың қоймаларында астық пен көкөністердің қажетті қоры бар, облыста азық-түлік тапшылығы қаупі жоқ.
"Биыл біз миллион тонна астықты бастырған жақсы өнім жинадық, оның үштен екісі –жоғары сапалы бидай. Бұл 2019 жылмен салыстырғанда 22,6% артық ", – деді Жеңіс Қасымбек.
Оның ақпаратына сәйкес, фермерлер 53 мың тонна көкөніс пен 270 мың тоннадан астам картоп жинап, орташа өнімділігі 261 ц/га құрады, бүгінде облыстың барлық 126 көкөніс және картоп қоймалары толтырылған.
Резервтік және тұрақтандыру қорларына 36,3 мың тонна астық, 4 051 тонна картоп және 660 тонна көкөніс кіреді.
"Агроөнеркәсіптік кешенде қабылданған шаралар бағаның өзгеруіне жедел ден қоюға мүмкіндік береді. Жалпы бүгінде ауданда азық-түлік тауарларының тапшылығы сезілмейді және бізде болашаққа қажетті қор бар ", – деді әкім.
10 айдың қорытындысы бойынша агроөнеркәсіптік кешендегі нақты көлем индексі 104,6% құрады. Өсімдік шаруашылығы мен мал шаруашылығы тұрақты дамуда, мал басы мен өндіріс артуда.
Сонымен қатар бүгінде Қарағанды облысының агроөнеркәсіптік кешенінде жалпы құны 33,3 млрд теңгеге 31 инвестициялық жоба жүзеге асырылуда. Нәтижесінде 1 567 жұмыс орны құрылады.
