"Бұл тұрғыдағы мақсат – мемлекеттің бірыңғай ақпараттық саясатының заңнамалық қамтамасыз етілген тетіктерін қалыптастыру. Осы орайда БАҚ туралы жаңа заң 2022 жылы әзірленіп, қабылдануы үшін биыл заң жобасының тұжырымдамасы кеңінен талқылауға ұсынылады", - деді министр.
Сонымен қатар жиында ведомство басшысы министрлікке жүктелген басты міндеттер туралы сөз қозғады. Аида Балаеваның сөзінше қазіргі кезде ең басты міндеттердің бірі – мемлекеттің ақпараттық қауіпсіздігін қамтамасыз ету және ақпараттық-идеологиялық жұмыстар.
"Аталған бағыт бойынша шекара маңындағы аумақтарда хабар тарату желісін даму жоспарланған. Оның ішінде мемлекеттік радиохабар тарату желісін дамыту бойынша Жол картасы әзірленді. Қазіргі кезде радиожиіліктерге тиісті конкурс жарияланды. Бұл салада ақпараттық-сараптамалық бағыттағы бағдарламаларға басымдық беріледі", - деді министр.
Құралай Құдайберген
