Министр келесі жылы жалпы ішкі өнімнің нақты өсуі 3,9% деңгейін құрауы мүмкін екенін мәлімдеді, деп хабарлайды inbusiness.kz.
"Сыртқы және ішкі жағдайға байланысты Қазақстан экономикасын дамытудың 2022-2026 жылдарға арналған базалық, оптимистік және пессимистік сценарийлері әзірленді. Базалық сценарий кезінде жалпы ішкі өнімнің орташа жылдық өсуі 4,8%-ды, оптимистік сценарийде - 5%-ды және пессимистік сценарийде – 4,6%-ды құрайды. Негіз ретінде бюджетті жоспарлау үшін базалық сценарийді пайдалану ұсынылып отыр. Осы сценарий кезінде 2022 жылы жалпы ішкі өнімнің нақты өсуі 3,9% деңгейінде болжанды", – деді Әсет Ерғалиев.
Министрдің мәлімдеуінше, 2022 жылы номиналды жалпы ішкі өнім 87,1 трлн, ал 2026 жылы 119,9 трлн теңгені құрайды. Барлық базалық салада оң өсім болады.
Қанат Махамбет
